Síðani 2015 hava Bragdið og Krabbameinsfelagið saman skipa fyri fyri renning og gongu í  Atlantic Airways Tórshavn marathon.

Í hesum sambandi hava vit brúk fyri nógvum hjálparfólkum og vit heita á sjálvboðin og annars øll, sum hava hug at hjálpa til, um at tekna seg. Vit hava serliga brúk fyri hjálparfólki úti á rutuni, sum kunnu standa vakt og til at hjálpa og vegleiða rennarar. Eisini er neyðugt at ansa eftir, at koyrandi ferðsla ikki kemur inn á vegir, har runnið verður. Øll fáa neyva kunning áðrenn.

Atlantic Airways Tórshavn marathon verður sunnurdagin 6. juni og byrjar kl. 13. Vaktirnar byrja tó kl. 12:45, tá vegirnir stongja. Vegirnir eru stongdir til kl. 19. Tó er ein partur sum letur uppaftur kl. 14:30. Vit hugsa okkum at vaktirnar standa uml. 2-3 tímar.

Aftaná vaktina eru øll vælkomin í Reinsaríið/Perlutorgið, til hugnaløtu, har hjálparfólk og rennarar hittast.

Tilmelding sum vakt/hjálparfólk her: Atgongumerki.fo