Tað sigur Jyllands Posten ið hevur fingið innlit í partar av røðuni.

Hon fer samstundis at leggja upp til eitt greitt brot við ES. Bretarnir vilja ikki hava "lutvísan limaskap, atlimaskap ella nakað annað slag av limaskapi í ES har vit eru hálvavegna inni, og hálvavegna úti."

Hetta er fyrstu fer síðani fólkaatkvøðuna tann 23. juni 2016, tá bretar valdu at atkvøða landið úr ES. Bíða verður tí spenningi eftir røðuni, ið má metast at vera tann týdningarmesta í tíðini hjá May sum forsætisráðharra.

"Vit hava 12 mál, ið verða til eitt mál: Eitt nýtt, positivt og uppbyggjandi samstarv millum Stórabretland og ES", stendur, sambært Jyllands Posten, í røðuni.

Júst hvørji 12 mál forsætisráðharrin fer at nevna er ikki greitt enn. Men væntandi fer May at leggja dent á, at Stórabretland ætlar sær størri samstarv við "bæði gamlar og nýggjar vinir" kring heimin. Her verður gitt at hon sipar til gomlu hjálondini, men eisini nýggjar vinir sum eitt nú Kina.

At enda fer May at sláa fast Stórabretland ikki vil hava eina avtalu ið líkist tí ið Noreg hevur, men at talan verður um eina heilt nýggja avtalu.