Gene Cernan farin
Amerikanski astronauturin, Gene Cernan, ið var síðsti maðurin á mánanum er deyður. Hann var 82 ára gamal.
Cernan var ein av bara triðmun ið tvær ferðir hevur verið á mánanum, og varð í 1972 tann síðsti ið hevur sett síni spor í mánasandin. Hann var tað skipari á Apollo 17 rúmdarferðini.
Eftir eina yrkisleið sum flogskipari í amerikonsku sjóðverjuni varð Cernan útvaldur at verða astronautur í 1963.
Áðrenn Apollo 17 rúmdarferðina hevði Cernan longu verið tvær ferðir í rúmdini, eina í 1966 og eina í 1969.
Í fráboðan sigur familjan hjá Gene Cernan, at hann doyði mánadagin, eftir at hava havt heilsutrupulleikar í longri tíð. Onki var sagt um deyðsorsøk.
Tólv mans hava verið á mánanum, og av teimum eru seks á lívið í dag. Í desember 2016 andaðist John Glen, ið var fyrsti amerikumaðurin í ringrás um jørðina.
Mest lisið í farnu viku
Samband
Heygsvegur 8
490 Strendur