Útferð og rudding á Hvalnesi, Skálavík 21. aug.
Í samstarvi við Dalsgarð og Visit Sandoy skipar Rudda Føroyar fyri ruddingarútferð til náttúruvakra umhvørvið á Hvalnesi í Skálavík leygardagin 21. aug. Tiltakið er ókeypis!
Hvalnes er vakurt rekapláss, har nógv rusk rekur inn frá sjónum. Hetta er ein avbjóðing, sum Rudda Føroyar í samstarvi við bóndan og Visit Sandoy ætla at gera nakað við. So tørvur er á nógvum røskum vaksnum og børnum, sum vilja hjálpa at rudda. Her fáa tit møguleikan fyri at sameina ein deiligan dag saman við familju ella vinfólki við at gera okkurt gott fyri okkara náttúru.
Gongutúrurin úr Skálavík til Hvalnesar tekur uml. 1 tíma og 15 min. hvønn vegin. Torleikastigið á gongutúrinum er lætt/miðal - størri børn, ið eru von at ganga í haga, kunnu væl luttaka.
Øll, sum luttaka, fáa:
➢ Matpakka v/ lekkrum, føroyskum viðskera frá Dalsgarðinum
➢ Staðkendan ferðaleiðara frá Dalsgarðinum
➢ Frukt
➢ Drekka
➢ Busstúrin úr Skopun til Skálavíkar og aftur
Teknið tykkum til túrin her (freist 16. aug.): https://www.eventbrite.co.uk/.../rudding-a-hvalnesi...
Luttakarir rinda bert fyri Teistan frá Gomlurætt til Skopun. Les meira um tiltakið her.
Dalsgarður fevnir um náttúruvøkru hagapartarnar Miðhaga og Norðastahaga á Sandoynni. Fyrsta man veit um Dalsgarð er úr fyrstu jarðarbókunum frá 1584. Í løtuni er áseyðatalið 400 áseyðir - meginparturin hvítir seyður, tí fyrr fekk man besta gjaldið fyri hvítu skinnini. Umframt at selja rávørur og góðskaðar vørur frá garðinum, skipar garðurin fyri ferðavinnuvirksemi, so sum gongutúrum og upplivingum.
Rudda Føroyar er ein lítil, sjálvboðin felagsskapur, sum samskipar árligan ruddingardag í september á hvørjum ári. Harafturat skipar Rudda Føroyar fyri øðrum ruddingartiltøkum og at gera kunnandi tilfar um umhvørvið.
Skrá fyri dagin:
Kl 09.45 Teistin siglur av Gomlurætt
Kl 10.15 Bussur úr Skopun til Skálavíkar
Kl 10.45 - 12.00 Gongutúrur til Hvalnes
Kl 12.00 - 13.30 Rudda
Kl 13.30 - 14:00 Matpakka
Kl.14.00 - 16.45 Rudda
Kl 16.45 - 18.00 Ganga aftur til Skálavíkar (frukt e.l.)
Kl 18.00 Bussur úr Skálavík til Skopunar
Kl 18.35 Teistin siglur úr Skopun
Kl 19.05 Koma til Gomlurætt
Enda dagin á Mat- og Moldmentanarháskúlanum
Umframt ruddingarútferðina ber til at enda arbeiðsdagin við einum góðum nátturða og samrøðu kring borðið á Mat- og Moldmentanarháskúlanum. Til ber at gista á skúlanum. Les meira um hendan møguleika og keyp atgongumerki her.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur