Útróðrarbátarnir fiska væl
Men dagarnir eru bert 4-5 higartil í ár. Fiskiskapurin hesa tíðina er vanliga góður.
Á søluni hjá fiskamarknaðinum í morgun vóru 39.525 kilo seld. Miðalprísurin var ásettur til 16,29 krónur fyri kilo. Summir av bátunum hava havt góðan fiskiskap.
Útróðrarbátarnir lata væl at higartil í ár. Prísurin er høgur, ið kanska er orsaka av verkfalli í Íslandi og fiskiskapurin er heldur betri enn undanfarin ár.
Bátarnir í Klaksvík hava avreitt fyri góðar 400.000 krónur, ið má sigast at vera gott. Tað svarar til tað man vanliga vónar at avreiða fyri allan januar mánað.
Bátarnir fáa væl av bæði toski og hýsu. Men dagarnir eru ójavnir og tað er ein ábending um at tað nakað av fiski til, tó ikki sum tá tað er av tí besta.
Líðhamar hevði 12.500 pund. Luttur av Eiði hevði 10.000 pund og Brandur hevði 8.000 pund í dag. Søluprísirnir á fiskamarknaðinum eru ikki almennir og tí vita vit ikki endaliga prísin.
Árið er júst byrja, men í sum er eru útróðrarbátarnir væl nøgdir við gongdina.
Mest lisið í farnu viku
Samband
Heygsvegur 8
490 Strendur