Birita – eitt gott brúkt skip
Mikunáttina kom nýggjasta skipið í føroyska flotanum, Birita, á Havnina. Skipið kallaðist Havfisk og er keypt úr Norra. Tað er bygt í Norra í ár 2000, er 67 metrar langt og 13 metrar breitt og lastar umleið 2000 tons. Motorurin er ein 5,500 KW Wàrtsila.
-Skipið er í sera góðum standi og er lítið brúkt. Tað hevur ikki fiskað meiri enn 5-6 mánaðir árliga og tað mesta við nót. Tí er tað ikki meiri brúgt enn t.d. eitt átta ára gamalt føroyskt skip, sigur skiparin Torfinn Debes Davidsen.
-Nú gera vit skipið klárt til fiskiskap, og so eru nøkur krøv, í samband við at tað kemur undir føroyskt flagg. Vit vóna at sleppa avstað í komandi viku, sigur hann.
-Nú er betri fiskiskapur eftir sild, og tí rokni eg við vit fara á sildaveiðu. Vit vera 11 mans við, men fyrsta túrin koma eisini tveir norðmenn við, sum hava siglt við skipinum, sigur Torfinn.
Føroyska sjómansmissiónin ynskir Sp/F Gráasteini til lukku og Guds signing við Biritu!
Sí fleiri myndir her: facebook.com/sjomansmissionin
Mest lisið í farnu viku
Samband
Heygsvegur 8
490 Strendur