Risastór samanlegging í tubbaks íðnaðinum
British American Tobacco hevur gjørt avtalu um at keypa Amerikanska sigarettframleiðaran Reynolds. Samanlagda felagið verður við hesum heimsins stórsti sigarett-framleiðari ið er skrásettur á keypsskálanum.
Áðrenn samanleggingina var Philip Morris heimsins stórsta framleiðari av sigarettum.
Prísurin er avtalaður til 350 milliardir krónur. Rokna verður við at feløgini fara at spara 2,8 milliardir árliga í rakstarútreiðslum.
Nevnast kann, at hesi feløg eru so stór, at tey eiga nógv onnur rættuliga stór feløg. Fyri nøkrum árum síðan átti Philip Morris, eitt felag sum nevndist Kraft Foods. Kraft Foods seldi í Føroyum kend merkir sum Karat og Gevalia kaffi.
So vit føroyingar hava lagt nógvar pengar í felagskassan hjá táverandi heimsins stórsta sigarett framleiðara.
British American Tobacco er stovna í 1902. Reynolds er stovna í 1875. Feløgini selja Lucky Strike, Dunhill og Camel sigarettir, sum hóast ókent í Føroyum, eru kend merkir um allan heim.
Í Føroyum er støðan tann, at House Of Prince situr á allari sigarett sølu. Í staðin fyri at kappast, so valdi British American Tobacco at keypa House of Prince fyri nógvum árum síðan.
Mest lisið í farnu viku
Samband
Heygsvegur 8
490 Strendur