Elias fer til Kiel næsta summar
Elias hevur gjørt 4 ára sáttmála við THW Kiel. Kiel er eitt av stórstu feløgum í Týsklandi og Europa og seinastu 30 árini.
Á heimasíðuni hjá Kiel siga teir, við yvirskriftini: DER ERSTE FÄRINGER BEIM REKORDMEISTER, at teir hava fylgt væl við Elias Ellefsen á Skipagøtu seinastu árini.
Ítróttarstjórin í Kiel, Victor Szilagyi, sigur, at Elias er eitt tað stórsta talenti í hondbólti á sínum plássi. Hann skilur væl spælið og hann er kreativur.
Avtalan kom í lag eftir vitjan í Kiel har teir megnaðu at yvirbevísa Elias um møguleikarnar hjá honum til at gerast enn betri enn hann er í dag.
Elias sigur sambært heimasíðuni, eins og ítróttarstjórin, at tað er framtíðar møguleikar og hvussu teir ætla at brúka Elias, sum vóru avgerðandi. Harumframt er Kiel eisini eitt av heimsins bestu hondbóltsliðum.
Býurin Kiel liggur stutt frá Danmark og nógvir skandinavar og Íslendingar hava gjøgnum tíðirnar leikt við Kiel. Kiel hevur vunnið meistaraheitið 22 ferðir og 19 ferðir síðan 1994. Teir hava vunnið gull í Champions Leauge 3 ferðir og silvur 4 ferðir og bronsu 1 ferð síðan 2007
Heinz Jacobsen var ítróttarstjóri frá 1980-1994 og fekk íslendkan venjara til felagið eins og Magnus Vislander. Hann var EHF eygleigari tá Føroyar leiktu móti Norra fyri 20 árum síðan. Fryntligur maður og hevði avgjørt virðing fyri smáum londum og feløgum, hóast hann tá var presidentur í týsku bundesliga í hondbólti. Hann rósti føroyingum í týskum avísum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur