Hópuppsagnir í norsku alivinnuni
Orsøkin til hópuppsagnir er ætlanir um nýggjar skattir á norsku alivinnuna. Nakað sum eisini verður tosa um í Føroyum.
Salmar boðar frá, at teir 800 starvsfólk verða uppsøgd. Harav gott 100 á einum nýggjum laksavirki. Meginparturin av virkseminum hjá Salmar er í sama øki, sum eru 2-3 oyggjar og har búgva fá fólk. Tí rakar tað lokaløkið sera meint.
Fyri viku síðan boðaði Leroy frá at teir 309 starvsfólk verða uppsøgd.
Virði á partabrøvum á Norsku alifeløgunum lækkaði beinan veg tá hetta hoyrdist fyri mána síðan.
Higartil siga greinarar at íløgur fyri NOK 35 milliardir eru útsettar.
Ein trupulleiki er, at skattur verður útroknaður eftir marknaðarprísinum á norsku uppboðssøluni. Hesin prísur samsvarar tó ikki við prísin laksur verður seldur fyri. Tí má roknast við, at skattur verður roknaður av væl hægri prísi enn veruliga søluprísinum.
Orsaka av hesum gera norsku alararnir ikki langtíðar kontraktir í løtuni.
Í Føroyum verða avgjøld eisini rokna eftir sama miðalprísi sum í Norra. Føroyskir alarar hava eisini víst á vansan við hesum útrokningarhátti.
Í Norra ætla teir at áseta eykaskatt á 40% á alivinnuna. Tað ætla teir at deila millum land og kommunur. Stjórnin roknar við at fáa DKK 3 milliardir í inntøkum meðan alivinnan roknar við at skula gjalda tað dupulta.
Í Føroyum tosa flokkar um at alivinnan skal gjalda munandi meira enn gjørt verður í dag. Ongin saklig viðgerð ella útrokning liggur aftanfyri. Heldur ikki um avleiðingar fyri samfelagið. Men tað tykist sum flokkarnir vita, hvat teir ætla at brúka pengarnar til.
Mest lisið í farnu viku
Samband
Heygsvegur 8
490 Strendur