Í Føroyum rokna vit prístalið 4 ferðir árliga. Flestu lond rokna prístalið hvønn mána.

Men gongdin er hin sama allastaðni. Prísvøksturin í ríkum londum liggur um 10%. Tað merkir, at sama vøra kostar í miðal 10% meira enn fyri einum ári síðan.

Um vit hyggja nærri síggja vit, at inflatiónin í londum, har fólk hava færri pengar er hægri í suðureuropa og nógv hæri í eystureuropa.

Príshækkingar eru serliga á matvørum og á orku. Hesar príshækkingar raka tey sum hava lægst inntøku nógv harðari enn onnur. Príshækkingarnar á orku nærkast 50% og á matvørum hækka fleiri vørur sera nógv.

Roknast má við at príshækkingum á øðrum vørðum komandi tíðina. Orka verður nýtt til næstan alla framleiðslu.

Brúkarin broytir vanar í hesum døgum. Eisini noyðist hann at frávelja ymiskar vørur og kanska keypa aðrar vørur.

Bilasøla minkar, tí at til ber at bíða við at keypa nýggjan bil.

Um broyting kemur í vita vit ikki. Men tá bankar hækka rentur munandi, so plaga teir samstundis at lána færri pengar til kundar. Sostatt má, út frá tí vit áður hava sæð, roknast við minkandi aktiviteti.

Í byrjanini tosaðu tjóðbankastjórar um stuttíðar príshækkinar. Nú meta teir príshækkingar sum varandi og hækka rentuna til teir prísvøksturin aftur verður á rímiligum støði.

Samstundis prenta landskassar, bæði USA og ES rættuliga nógvar pengar, til at fíggja undirskot, sum vanliga merkti at inflatiónin hækkar. 

Í Føroyum fylgir rentan útlendskum rentum og tað er ikki óvanligt at rentustøði í Føroyum ikki samsvarar búskapargongdini.

Tað er í dag nógv dýrari at liva. Nýtslan av hita til bústað er dupult so stór um veturin. Roknast kann tí við at broytingar í keypsmynstri sum vit hava sæð í eina tíð halda áfram komandi mánarnar.