Fólkavøkstur um alt landið – mest í Tórshavnarøkinum
Nú er vøkstur í øllum høvuðsøkjum í Føroyum, eisini í Sandoyar og Suðuroyar sýslum.
Bæði í tali og í prosent er nógv størsti vøksturin í Tórshavnarøkinum, har fólkatalið er vaksið við 407, svarandi til 2,2%. Hetta er 55% av fólkavøkstrinum fyri alt landið. Í tali koma síðani Eysturoyar og Norðoya sýslur við ávikavist 145 og 81 fólkum, lutfalsliga 1,3 og 1,4%. Síðani er vøksturin í hinum økjunum 1,0-1,1% í Sandoyar og Vága sýslum og 0,6-0,7% í Suðuroyar sýslu og Streymoyar sýslu uttan Tórshavn.
Vøkstur í 20 kommunum, óbroytt og minking í 10
Fólkatalið veksur í 20 kommunum, stendur í stað ella minkar í 10 kommunum. Nógv størsti vøksturin í tali er í Tórshavnar kommunu við 413 fólkum – hetta er 56% av fólkavøkstrinum fyri alt landið.
Vøkstur í flestu oyggjum – men minking í Kalsoy, Nólsoy og Skúvoy
Verður hugt eftir gongdini í einstøku oyggjunum er munandi fólkavøkstur í øllum teim stóru oyggjunum. Í nøkrum av útoyggjunum veksur fólkatalið ella stendur í stað, meðan tað minkar í Kalsoy, Nólsoy og Skúvoy
Mest lisið í farnu viku
Samband
Heygsvegur 8
490 Strendur