Nú stundar Løgtingsvalið dec 2022 til, og nýgg sum gomul valevnir bjóða seg fram, og vilja vísa sín kynstur um hetta og hatta, og hvussu tey kunna sannførða veljaran um, hví vit skula velja seg, og ikki hini.

Í dag lova ymisku flokkarnir at arbeiðsvikan skal setat niður á 37 tímar um vikuna, uttan at nakar ferð niður í løn, hetta er uttan iva søtur tónleikur fyri fjøldina.

Hvat er tað, í royndu verð hesir flokkar gera? Jú teir leggja seg í millum arbeiðsgevarar og fagfeløgini sum varða av sáttmálaøkjunum á ymisku arbeiðsplássunum. Hetta hevur altíð verði ein samráðingarrættur, tað við at keypa sær t.d. 6. fríviku, ella tað at fara frá 40 tímar viku til 39 tímar o.s.v.

Vit sum samráast vita, at t.d. 6. Frívikan kostar ca 2,5% hetta av ásetta karminum fyri ávikavist 1. og 2. árið
Men at flokkarnir vilja nú kropp á kroppi lova arbeiðarafjøldini at tey skula ikki missa løn, sjálvt um tey fara niður á 37 tímar viku. Hetta er at gera seg inná fría samráingarrættin hjá fagfeløgunum og verða tey sett út av spælinum, hetta eigur slett ikki at verða góðtikið.

Tað undrar meg almikið at SOSIALISTARNIR Javnaðarflokkurin at teir nú eisini saman við Tjóðveldinum eru farnir í herðna móti fagfeløgunum, og skula aftur nú við lóg avmonterða fagfelagsrørsluna.

Vit sóðu hetta til næstsíðsta Løgtingsval, tá gekk hetta út yvir manningarfeløgini, og var tá samtykt av Javnaðarflokkinum- Tjóðveldisflokkinum - Framsókn og stuðul frá Sjálvstýrisflokkinum. 

MÍN ÁHEITAN TIL POLITTISKU FLOKKARNAR ER, HALDI TYKKUM VEKK FRÁ AT VIRKA SUM FAGFELØG, OG HALDI TYKKUM TIL POLITIKK. OG LATIÐ OKKUM FÁA FRIÐ AT ARBEIÐA SUM FAGFELØG.

Vinarliga
Annfinnur Garðalíð
Formaður
FSN