Snowden gjørdist kendur tá ið hann avdúkaði eitt eina umfatandi avlurtingar- og eftirlitisskipan 

hjá The National Security Agency, ella NSA sum tað verður rópt. Skipanin savnaði saman
so-nevndar metadátu um amerikanskar borgarar. Millum annað var skrásett hvønn man ringdi til
og hvussu leingi man tosaði. Talan var um yvirskipa eftirlit av, stórt sæð, øllum borgarum í
landinum og alt hetta var gjørt uttan at ein dómari hevði givið loyvi til tess. Vanlig mannagongd
er, at ein FISA-dómstólur skal geva loyvi í hvørjum einstøkum føri.

Fleiri serfrøðingar hava funnist at skipanini, og víst á at tað er eitt stórt ivamál um hon yvirhøvir
var lóglig. Eftir avdúkingarnar hjá Snowden broytti man bæði skipanina og lóggávuna á økinum.

Á tíðindafundi, har Hvítu Húsini kunngjørdu listan yvir tey náðaðu, vildu fjølmiðlar hava at vita
hví man hevði valt at skera av revsingini hjá Bradley Manning, men ikki at náða Edward
Snowden. Talsmaðurin hjá Obama vísti á, at Manning hevur verið í gjøgnum rættarskipanina,
hevur játta seg sekan og hevur sitið fleiri ár handan rimar. Snowden hevur, hinvegin, ongantíð
verið fyri ein dómara og er rýmdur undan mynduleikunum.