Hann, sum í hásætinum sat, segði: „Hygg, Eg geri alt nýtt!“ Op.21.5

Eg brúkti tekstforritið Word frá Microsoft. Ovast til høgru á skerminum eru tveir boygdir pílar.Tann uttari kallast “fortryd” á donskum, “undo” á enskum, og vit kundu kalla hann “slettað” á føroyskum. Pìlurin innaru megin kallast “gentag” á donskum, “redo” á enskum, og vit kundu kallað hann “ger aftur” á føroyskum. Tað er gott at vita, at Gud, sum ger alt nýtt, hevur báðar hesar førleikarnar. Hann kann bæði sletta og gera umaftur! Eitt nýtt ár nærkast. Tað er gott at vita, at Gud kann “slettað” allar okkara skeivleikar í farna árinum og vil geva okkum møguleikan “at gera aftur” í 2025. Men bíða ikki til Nýggjársdag at trýsta á hesar báðar funktiónirnar!!!

Úrvalt - Páll Poulsen týddi úr enskum

Hvat kann syndir burtur tvá?

Jesu blóð, og tað aleina;

hvar kann frið títt hjarta fá?

Í tí dýra blóði eina.

Niðurlag: Á, kelda, dýrabar,

har frið eitt hjarta fær!

Av tí eg rósi mær,

Jesu blóði, tí aleina.

2. Hetta reinan gjørdi meg,

Jesu blóð, og tað aleina;

fríur, frelstur standi eg

í tí dýra blóði eina.

3. Eina hetta frelsa er,

Jesu blóð, og tað aleina;

syndabyrðin burtur fer

í tí dýra blóði eina.

4. Hesum rósi eg mær av:

Jesu blóði, tí aleina;

kom og trúgv, og friðin hav

í tí dýra blóði eina.

5. ..

*Robert Lowry (Amer.), 1826–1899.

{Lag: Robert Lowry}.

(V. Danielsen týddi).

Nr.452 í NSGF 2015