1. juli og hjúnabandi - tænastuboð frá bispi
Týsdagin 30. mai var broytingin í hjúnabandslógini til triðju viðgerð á Føroya Løgtingi, og hon varð samtykt við 18 atkvøðum fyri og 14 ímóti
Tann fyrsta juli kom lógin í verk, sum merkir, at nú er lógligt, sambært føroyska lóggávu, at fólk av sama kyni kunnu ganga saman í hjúnaband.
Av tí, at lógin bert heimilar borgarliga vígslu og ikki vígslu í fólkakirkjuni, so útloysti hetta nógva debat og skriving viðvíkjandi signing av borgarliga vígdum í føroysku fólkakirkjuni, og her er tað, at føroyski biskupurin, Jógvan Fríðrikson, ger vart við seg.
Siðvenja hevur verið í mong ár at signa borgarliga vígd í føroysku kirkjunum, men nú í fólk av sama kyni kunnu vígast borgarliga frá fyrsta juli at rokna, og hjúnabandið harvið er umgreinað, gav biskupur tænastuboð til prestarnar í fólkakirkjuni, tá biskupur sjálvur hevur ta sannføring, at hjúnabandið er innsett av Gudi og er einans millum mann og kvinnu, “at signing av borgarliga vígdum hjúnum ikki er loyvd á føroyskum í føroysku fólkakirkjuni.” Tænastuboðini eru galdandi fyri borgarliga vígd bæði av samkyndum og hinskyndum.
Mest lisið í farnu viku
Samband
Heygsvegur 8
490 Strendur