Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing

Tvey fersluóhapp í Eysturoynni í gjár

Innanlands | 10/08 10:51
Mynd: Birgir Waag Høgnesen

Eitt ógvusligt fersluóhapp var í Søldarfiðri í gjár. Ein treylari fór omanav vegnum og endaði í einum hava nærhendis, og við Gøtugjógv var ein so-nevndur harmonikusamanstoytur.

Óhappi í Søldarfiðri hendi seint seinnapartin í gjár á vegnum sunnanfyri rundkoyringina á Skipaneskrossinum. Tveir treylarir og ein persónbilur vóru í óhappinum. Sum skilst, so fór annar treylarin yvir á skeiva koyribreyt, við tí úrslitið at hann rendi saman við hinum treylaranum og einum persónbili. Annar treylarin fór oman av vegnum, og endaði í einum urtagari fáar metrar frá einum sethúsum.

Ein persónur var fluttur á landssjúkrahúsið, men hevur, eftir øllum at døma, ikki fingið álvarsligt mein. Løgreglan sigur seg enn ikki vita hví óhappi hendi. Tá ið Kringvarpið tosaði við mynduleikarnar í morgun, var enn ikki liðugt at rudda upp. Vognurin og bingjan vóru tikin upp, men sjálvur bilurin skuldi takast upp seinni í dag.

Við Gøtugjógv stoyttu fýra bilar saman. Fremsti bilurin steðgaði á og blinkaði til vinstru. Næsti bilurin sá at fremsti bilurin steðgaði, og steðgaði tískil eisini. Men triði og fjóri bilurin løgdu ikki til merkis at steðga varð, við tí úrslitið at teir rendu á hinar bilarnar. Eingin álvarsligur fólkaskaði hendi í tí óhappinum.

 

 

 


Skrivað: Tóri Højgaard
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir