Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Summarfestivalurin byrjar í dag

Innanlands, Mentan | 10/08 11:30

Í dag fer Summarfestivalurin av bakkastokki. Fyrsta konsertin er í tjaldinum kl. 20.

Fyrsti bólkurin ið skal framføra í dag eitur Vincent. Talan er um ein av nýggju bólkunum á føroyska tónleikapallinum. Ungi menninir í bólkinum skrivað og spæla egnan tónleik, og teir hava verið at hoyrt á ymiskum konsertum kring Føroyar seinasta árið.

Vincent hevur vant á Dávavirkinum í Klaksvík, og har eru góðar umstøður hjá kreativum tónleikarum at byggja ein nýggjan tónleikabólk upp. Vincent var fyrr í ár við á tónleikakappingin Sement, og nú eru teir til reiðar at spæla á Summar Festivalinum fyri fyrstu ferð.

Umframt Vincent eru fýra aðrar føroyskar framførslir á skránni í dag. Kl. 21. spælir Olvheðin Jacobsen á torginum, kl. 23:45 spælir Konni Kass í tjaldinum, kl. 00:15 spælir Sámal Ravnsfjall á torginum og Danny & The Veetos spæla á Vágsbøði kl. 01 í nátt.

Stóra útlenska navnið í dag er Lukas Graham. Bólkurin Lukas Graham telist millum heitastu og størstu poppstjørnur í heiminum í løtuni.

Lukas Graham spældi á Summar Festivalinum fyri tveimum árum síðani, og mong halda, at tað telist millum bestu framførslur á festivalinum nakrantíð. Tveir mánaðir seinni vitjaði bólkurin aftur í Føroyum og spældi tvær framúr konsertir í Havn. Síðani tá hevur bólkurin fingið sítt veruligt altjóða gjøgnumbrot og telist nú millum heitastu poppnøvn í heiminum.

- Í okkara eygum var Lukas Graham ein heimsstjørna longu fyri tveimum árum síðani, men nú heldur restin av heiminum tað sama. At fáa Lukas Graham aftur á Summar Festivalin at spæla er eitt tað størsta scoopið, vit hava gjørt í søguni hjá festivalinum, sigur Erik Biskopstø, sum er ein av fyriskiparunum av Summar Festivalinum.

Lukas Graham spælir bert eina konsert í Danmark í summar, men hann hevur sett pláss av í kalendaranum til at vitja aftur í Føroyum.

- Í grundini átti tað at verið ógjørligt hjá okkum at fingið ein slíkan bólk á okkara festival júst nú, tí allur heimurin togar í teir, men Lukas Graham ynskir at koma aftur til Føroya at vitja, og tí letur hetta seg gera, sigur Erik Biskopstø.

Lukas Graham hevur fingið serligt samband til Føroya, her teir hava verið sera væl móttiknir, og tað hava fólk eisini sæð aftur, tá ið sangarin Lukas Forchhammer fleiri ferðir hevur verið at sæð í USA í føroyskari troyggju, sum hann fekk sum gávu í Føroyum.

Lukas Graham fer á pallin á Vágsbøði kl. 22 í kvøld.


Lagt út: Tóri Højgaard
Lýsing
Mest lisið í farnu viku
Viðmerk­ingar til sending­ina ''Ein kelda í Skálafirði''
Nýtt missións­hús verður vígt á Strondum leygar­dagin
Nú verður farið undir at byggja eitt gistingar­hús á Kallsoynni
Løgtingslimir eru mest yvirbetaltu starvs­fólk­ini í Landinum
Metár hjá Bakkafrost
Hugnaløtan 13 - Gestur: Niels Jacob Nielsen
Býarmynd hvørvur
Prát við Sólgerð Andreassen
Ein drápsmaður búði hjá okkum og vit vistu ikki av tí
Prát við Kristan Martin Rasmussen
Samrøða við Løgtingsmann um rúsevnismál
Tvøstpakkar
Hugnaløtan 12 - Gestur: Ben Arabo
Viðmerking frá Sjúrður Skaale til "Gud signi Føroyar” í gjárkvøldið
Bakkafrost gjørdi spádómum til skammar
Billy Graham deyður
Valentine dagur: Treytaður kærleiki til norðingar
Prát: Bergtóra Ó. Poulsen
At vaksa upp við foreldrum við álvarsamari sálarsjúku
Brúgvin 79 - 12. feb. 2018
Søgulig nýraskurðviðgerð á Ríkissjúkra­húsinum
R7 Premier League 13 - Aftaná FA CUP 5. umfar
Ísland kann gerast fyrsta landið í Evropa at banna umskering
Tórshav­nar Kommuna rindar meira enn hálva millión í kringvarpsgjaldi
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi