Nú á R7
Samband
R7 Kringvarp
Postboks 226
FO-600 Saltangará
Lýsing
Lýsing

Summarfestivalurin: Nógv arbeiði lagt í trygdina

Innanlands, Mentan | 10/08 12:03

Tað setur stór krøv til trygdina tá útvið 10.000 fólk koma saman á Summarfestivalinum.

 

Louis Juliusson hevur í fleiri ár havt høvuðs ábyrgdina av av trygdini á Summarfestivalinum. Í sendingini “Norðurrás”, ið var send á R7 mikudagin, greiddi hann frá hvussu trygdin er skipað.

Louis fortaldi m.a., at man á posthúsinum hevur skipað ein “kommandusentral” fyri allar Norðoyggjar. Ein trupuleiki ið hevur verið av og á, er at nógva fólki ið er í Klaksvík á festivalinum ger, at fartelefonnetið ikki virkar. Tí hevur man lagt fastnetlinjur inn á kommandosentralin.

Harumframt samskifta trygdarfólkini við hvønn annan, og við mynduleikarnar um tørvur er á tí, umvegis walkie-talkie

Hetta tryggjar at man altíð hevur samband sínamillum, og til politii, sløkkiliði osv.

Eini 120 fólk arbeiða við trygd, og tey ið sita á sentralinum er tey somu sum hava sitið í nógv ár.

Skuldi tað hent at streymurin á sentralinum fer, hevur man eina neyðskipan ið heldur í 8 tímar.

Eisini hevur man sett blá ljós upp á sjálvari senuni. Hesi skulu geva boð til sløkkiliðsfólkið um okkurt er áfatt og at tey tí skulu møta á brandstøðini.

Louis nevnir eisini, at samstarvið við viðkomandi mynduleikar er framúr gott: “Bjargingarfelagið og samarittarnir eru við. Sjúkahúsið er við og politii er við. Allir spæla saman, og um teir ikki gjørdu kundu vit ikki havt tiltakið.”

 Samrøðan við Louis kann hoyrast við at trýsta á leinkjuna niðanfyri

 


Skrivað: Tóri Højgaard

Líknandi tíðindi
Lýsing
Nú á R7
Samband
R7 Kringvarp
Postboks 226
FO-600 Saltangará
Lýsing