Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing
? / ??

Bill Justinussen spyr Rigmor Dam um forskúlar

Innanlands, Politikkur | 11/08 08:30

Bill Justinussen, løgtingsmaður fyri Miðflokkin, hevur sett landsstýrismanninum í mentamálum ein § 52a fyrispurning um forskúlar í frískúlum.

Løgtingsmaðurin vil hava at vita hvussu nógvir forskúlar eru í frískulum í dag og í hvønn mun hesir verða stuðlaðir av landi ella kommunu. Eisini spyr tingmaðurin um landsstýrið ætlar at gera broytingar í reglunum fyri fígging av hesum forskúlum.

Í viðmerkingunum vísur tingmaðurin á at løgtingslóg nr. 46 frá 26. mars 2002 um frískúlar heimilar landsstýrismanninum at geva loyvi til, at privatir felagsskapir og áhugabólkar fara undir frískúlavirksemi. Í lógini stendur, at raksturin av einum slíkum skúla skal gjaldast partvís við
foreldragjaldi og partvís almennum pengum. Almenni parturin er býttur millum
land og kommunur.

Eftir § 2, stk. 2. kann landsstýrismaðurin geva loyvi til, at ein frískúli eisini kann reka forskúla, og at forskúlin tá eisini kemur undir lógina. Eftir orðaljóðinum at døma merkir hetta, at ein slíkur forskúli verður fíggjaður á sama hátt sum restin av frískúlanum. Hetta er tó ikki nágreinað í sjálvum lógartekstinum, og viðmerkingarnar
til lógina nevna heldur einki hesum viðvíkjandi.

Tí vil Bill Justinussen hava at vita hvussu slíkir skúlar verða fíggaðir í dag, hvørjum lógargrundarlagi teir verða fíggjaðir eftir, og um landsstýrismaðurin hevur ætlanir um at gera
nýggjar og greiðari reglur um virksemi hjá forskúlum, ið eru partur av einum frískúla

 


Skrivað: Tóri Højgaard
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir