Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing
? / ??

Formansskapurin fer nú at velja kanningarstjóra

Innanlands, Politikkur | 11/08 09:04

Mánadagin hevur formansskapurin í Løgtinginum fund. Á skránni er m.a. setan av kanningarstjóra.

5 limir í andstøðuni bóðu, fyri summarsteðgin, um at kanningarstjóri varð settur at kanna embætisførsluna hjá Høgna Hoydal, landsstýrismanni í fiskivinnumálum, viðvíkjandi veiðiloyvunum hjá partafelagnum Næraberg. Andstøðutinglimirnir vildu eisini hava kanningarstjóran at kanna um løgmaður hevði røkt sína skyldu at hava eftirlit við fiskimálaráðharranum.

Fyrr hava vit frætt, at eftir ætlan skuldi umsitingin í Løgtinginum, seinast í hesi vikuni, lata formanninum ein lista við møguligum kanningarstjórum. Jonhard Klettheyggj, løgtingsstjóri, hevur fyrr sagt við fjølmiðlarnar, at tað er torført at finna ein kanningarstjóra í Føroyum sum líkur gegniskrøvini.

Ein kanningarstjóri skal vera løgfrøðingur, ella cand.jur., og skal ikki starvast í fyrisitingini hjá landsstýrinum, á stovni undir landsstýrinum ella hjá dómsvaldinum. Kanningarstjórin skal heldur ikki hava viðgjørt málið fyrr. Tað merkir sum oftast, at kanningarstjórin kemur úr privata vinnulívinum, og t.d. er sakførari. Men Aksel V. Jóhannesen, løgmaður, hevur sjálvur virka sum sakførari, og tí er tað helst trupult at finna ein føroyskan sakførara ið er gegnigur.

Tá ið embætisførslan hjá Kaj Leo Holm Jóhannesen og Kára P. Højgaard skuldi kannast, valdi man í fyrstu syftu at seta ein føroyskan sakførara. Men av tí at ivi var um gegni hjá viðkomandi, valdi sakførarin at siga uppgávuna frá sær. Endin var tá at man valdi fyrrverandi fólkatingsins umboðsman Hans Gammeltoft Hansen. Tí er tað als ikki óhugsandi at man fer eftir einum útlenskum kanningarstjóra aftur hesuferð.

Umframt at seta ein kanningarstjóra, skal formansskapurin eisini biða Løgtingið um eina eykajáttan at gjalda fyri kanningarstjóran, tí eingin játtan er til arbeiði á núverðandi fíggjarlóg.

 

 


Lagt út: Tóri Højgaard
Lýsing
Mest lisið í farnu viku
Samrøða við Lailu Nielsen: Nýggjur handil opnar Við Sílá
Nýtt missións­hús verður vígt á Strondum leygar­dagin
Tríggjar útstykk­ingar í Runavíkar kommunu
Stór samanlegging í fiski­vinnuni
Jóhann Lützen: Norðlýsið fer ongan veg.
Løgtingslimir eru mest yvirbetaltu starvs­fólk­ini í Landinum
Samrøða við Allan Samuelsen, ein av fyriskip­aru­num til Countryfestivalin 14.- 16. juni í Sørvági
Metár hjá Bakkafrost
Oasubrøður geva fløgu út í komandi viku
Býarmynd hvørvur
Kvinnu­ndirskotið veksur í góðum tíðum
Føroyska sildakvotan lækkar 37.000 tons
Tvøstpakkar
Nýggjur heilivágur beinir eftir einum degi fyri beinkrími
Hugnaløtan 13 - Gestur: Ben Arabo
Ein drápsmaður búði hjá okkum uttan vit vistu ikki av tí
Tvístøða kjaksending 27 - Øll sendingin
Valentine dagur: Treytaður kærleiki til norðingar
15-ára gamal deyður av ecstasy
At vaksa upp við foreldrum við álvarsamari sálarsjúku
Sjónband: Løtan tá VÍF gjørdist steypavinnari 2018
"Kom á 2069" - Sending 26
Ísland kann gerast fyrsta landið í Evropa at banna umskering
Tvístøða kjaksending 27 - Kvinnur hava sambært Bíbliuni skyldu at hava samlegu við sínum maka
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi