Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing

20 tons av eitraðum eggum eru seld í Danmark

Uttanlands | 11/08 10:36

Tað er danska fyritøkan Danæg Products, ið hevur fingið til samans 20 tons av kókaðum og flustum eggum frá einum undirveitara í Belgia.

Tað boðar danska matvørueftirlitið frá í einum tíðindaskrivi. Eggini eru eitraði við fipronil.

Fipronil er eitt eiturevni ið verður nýtt at drepa m.a. lús á hundum og kettum. Man hevur fyrr funni evnið í eggum ið stava frá hollendskum og belgiskum veitarum.

Eggini eru seld til kantinir, køkar, kaffistovur og matveitingarfyritøkur. Men sambært matvørueftirlitinum eru eggini ikki seld í stórum mongdum til vanligar handlar.

Tveir persónar eru handtiknir í Hollandi í sambandi við hesa eggjagøluna, sum nú umfatar fleiri europeisk lond.

Royndir hjá matvørueftirlitinum í Danmark vísa at fipronil er í eggunum, men at nøgdin er so mikið lítil at eggini ikki eru vandamikil. Men av tí at evnið er til staðar, eru eggini ólóglig og Danæg Products hevur tí fingið boð um at afturkalla eggini frá kundum sínum.

Matvørueftirlitið sigur seg fylgja málinum, og man útilokar ikki at kanningararbeiðið fer at avdúka fleiri mál um innflutning av eggum ella eggjaúrdráttum ið eru dálka av fipronil


Skrivað: Tóri Højgaard
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir