Myndarøð: R7 hevur móttøku í Tórshavn í dag
Nógvir gestir hava verið á vitjan í morgun og vit vóna at fleiri koma sum dagurin líður.
Dagsins fyrsti gestur var Landstýriskvinnan í mentamálum sum tosaði um egnar royndir innan miðlaarbeiði og um føroyska miðlalandslagið í dag.
Niels Uni Dam var ikki tómhentur tá hann vitjaði okkum. Hann hevði eitt gávukort frá Kaffihúsinum við tí sum hann segði: - Nú tit eru komin til havnar mugu tit akklimatiserast eitt sindur.
Borgarstjórin í Tórshavnar kommunu, Annika Olsen, var eisini á gátt. Vit fingu eitt prát við hana um borgarstjórastarvið samanborið við løgtings - og landstýrisstørvini.
Góð ráð frá góðum fólki eru ikki at forsmáa
- Brúka eitt einfalt mál, men lat tað vera føroykst, segði Sonni Smith tá hann tosaði við Helga og Tóra um føroyska málið í miðlunum og eisini um útvarp gjøgnum tíðirnar.
Altíð smílandi Sjúrður Skaale, sum heldur til í sama húsi, vitjaði eisini og mín sann um vit ikki sóðu eitt sindur til Esmar Eysturoy.
Tey flestu av føstu manningini hjá R7 eru í Tórshavn í dag og vit gleðast øll um hesa spennandi byrjan.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur