Nýtt uppisjóvarskip til Vágs
Sunnudagin kom nýggja uppsjóvarskipið Nýborg á Vág. Tað er Ocean Group Faroes í Vági, sum hevur keypt skipið úr Danmark.
Á djúphavnini í Vági vóru nógv fólk komin saman til móttøku. Kórið hjá Frelsunerherinum í Vági luttók við sangi. Síðani flutti Alex Vilhelm, reiðari, fram røðu og greiddi frá um skipið og um hvussu reiðaríið hevur strembað fram ímóti hesum degi.
Dennis Holm, borgarstjóri, flutti eisini fram røðu og ynskti reiðaríi, skipi og manning bestu eydnu á leiðini. Og áðrenn fólk fóru umborð, hevði John í Skemmuni orðið, og bar fram røðu og heilsu.
Reiðariið bjóðaði eisini gestum at verða vælkomnum til fiskaborð í kafe’ini á Gørðunum eftir vitjanina umborð.
Nýborg er 56 metrar long 12 metrar breið. Nýborg er 1.200 Brutto Tons, og er bygd í 1999 á Karstesens Skibsværft. Fyrr æt skipið Gitte Henning og var heimahoyrandi í Skagen.
Martin Midjord verður skipari á Nýborg. Væntandi fer Nýborg til fiskiskap í vikuni.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur