UNITY børnini hugna sær í Noregi
Hósdagin, fór eitt ferðalið til Skien í Norra. Talan er um eitt barnakór, sum í alt telur 38 børn í aldrinum 9 – 13 ár. Kórið eitur UNITY, og er sett saman við børnum úr Missiónshúsinum á Strondum, Missiónshúsinum Libanon í Sørvági og Nebo á Toftum.
Kórið er gestur hjá norska barnakórinum GLA´VOX, sum hoyrir heima í Skien, og búgva tey hjá familjunum hjá børnunum í norska kórinum. GLA´VOX-kórið vitjaði í Føroyum í september í fjør, tá tey høvdu konsertir í fullsettum hølum í Christianskirkjuni í Klaksvík og Nebo á Toftum.
Ein spennandi skrá er løgd til rættis, har kórið m.a. kemur at vitja í Ráðhúsinum og í kirkjuni í Skien, og eisini verður tíð sett av til ein siglitúr í Telemarkskanaluni við 135 ára gomlu M/S Victoriu. Leygarkvøldið verður konsert í Gulsett kirkju í Skien, har føroyska og norska kórið koma at syngja í felag og hvør sær, bæði føroyskar og norskar sangir. Sunnumorgunin, 24. september, verður gudstænasta í Gulsett kirkju, har føroyska kórið eisini kemur at luttaka.
Kórið verður aftur í Føroyum mánadagin 25. september.
Tað eru hjúnini Anita og Oddmar Tausen á Toftum, sum eru samskiparar av ferðini, og vera eisini við í ferðalagnum.
Her kanst tú síggja ein stuttan film, sum Anita Tausen legði út á facebook. Sangur í Skien kirkju.
Mest lisið í farnu viku
Samband
Heygsvegur 8
490 Strendur