Barnagarður og ellisheim á sama stovni
- Ljóðbrot úr sendingini "Andøvsløtan" Fyrstu ferð í Bretlandi er ætlanin at opna barnagarð inni á einum jødiskum ellisheimi. Endamálið er at føra ung og gomul saman í felagsvirksemi.
Henda mánaðan opnar barnagarðurin Apples and Honey innan fyri múrarnar á Nightingale House, eitt ellisheim fyri gamlar jødar í Suðurlondon.
Óvitarnir fara at taka lut í virkseminum hjá teimum gomlu búfólkunum, eitt nú í felagssangi, matgerð og upplestri av søgum.
Ein royndardagurin var, tá heimið var opið fyri børnum og eldri, gekk stak væl.
”Tú kendi á tær eina stórbroyting í luftini,” segði Susan Cohen, sum starvast á Nightingale House.
Hon legði aftrat: ”Tað lættir sinnið á teimum gomlu og kveikir nýtt lív í alt húsið, serliga búfólkini men eisini okkum starvsfólk.”
Ja, so kunnu vit bert bíða í spenningi, um vit í Føroyum fara at royna at brúka ein part av komandi ellisheimum til vøggustovur og barnagarðar og vita, hvørja ávirkan smábørn hava á gerandisdagin hjá teim eldru.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur