Føroyar fáa ein samráðingarpart aftrat, tá Bretland fer úr ES
- Ljóðbrot úr sendingini "Andøvsløtan" Føroyar hava leingi fingið fitt burtur úr felags fiskastovnum, tá Bretland var partur av ES. Men Brexit kann gera, at vit fáa minni og bretar meiri enn vit tá?
Í fjør veiddu føroyingar 600.000 tons av fiski íalt, serliga makrel og svartkjaft, harav ein fittur partur var í ”bretska” partinum av ES-sjóøki.
Írland verður verandi partur av ES, og tað skuldi hjálpt Føroyum til at halda fram at fiska av felags ES-kvotum í útsynning, serliga svartkjaft og markrel.
Men tá talan verður um leiðirnar vestan, norðan og eystan fyri Skotland, noyðast vit ivaleyst at samráðast um serskildar kvotur á teimum havleiðunum.
Krevja bretar størri part av fiskastovnum í hesum sjóøki, koma vit undir trýst.
Bretskir fiskimenn hava helst atkvøtt fyri Brexit, so at Bretland kann sleppa úr London Fiskivinnu Konventiónini, ið hevur loyvt írum, hálendingum, fransum, týskum og belgiskum skipum at royna heilt inn at 6 fjórðingum úr Bretlandi.
Tað tekur 2 ár hjá Bretlandi at sleppa úr hesi Konventiónini. Til tá er Bretland bundið til at verða partur av felags fiskivinnupolitikkinum hjá ES.
Men tá teir hava kvittað við ES-felagskapin, fær pípan helst annað ljóð.
Spurningurin tá verður, um Føroyar bert fáa ein nýggjan part at samráðast við um fiskirættindi, ella um tað eisini fer at minka føroysku kvoturnar í tí, sum rundan um Skotland higartil hevur verið felags ES-sjógvur, men skjótt verður bretskur sjógvur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur