Nøkur føroysk búskapartøl
- Ljóðbrot úr sendingini "Andøvsløtan"
Útflutningurin vaks 480 mió. kr. og innflutningurin 460 mió. kr.
Fyrstu sjey mánaðir í ár var útflutningurin 4,9 mia. kr.
Tað er 477 mió. kr. meir enn somu tíð í fjør og svarar til ein vøkstur á 11%.
Samstundis var innflutningurin stívliga 4,1 mia. kr., tað eru 462 mió. kr. ella 13% meir enn í fjør.
Hetta tíðarskeiðið var sostatt avlop á handilsjavnanum við 745 mió. kr. higartil í ár, samanborið við 730 mió. í fjør.
Fólkavøkstur í sama lag – men nú er tilgongdin størri uttan fyri høvuðsstaðin
Fólkatalið var 50.451 tann 1. august.
Tað vaks við 732 fólkum í 12-mánaðarskeiðinum 1. august 2016 –2017.
Tað kemur av nettotilflyting á 455 og burðaravlopi á 277.
Ein stór broyting er samstundis at síggja í fólkavøkstrinum, tí nú er hann munandi størri uttan fyri Tórshavnarøkið enn í høvuðsstaðnum.
Lønarútgjaldingarnar 5,8% hægri í august í mun til sama mánað í fjør
Árstíðarjavnaðu lønarútgjaldingarnar vóru í august 739 milliónir krónur, ið er 5,8% meira enn sama mánað í fjør.
Samlaðu lønarútgjaldingarnar fyrstu 8 mánaðirnar av árinum eru 5,8% hægri í mun til sama tíðarskeið í 2016.
26.029 løntakarar í juni - ájavnt við metið í 2008
Í juni vóru 26.029 løntakarar tilsamans, árstíðarjavnað. Hetta eru 695 fleiri í mun til juni í fjør.
Munurin á hákonjunkturinum í 2008 og nú
Munur: Í 2008 bygdi búskapurin í nógv størri mun enn nú á bankafígging og læntar pengar.
Hesuferð er útflutningsvirði Føroya 3 mia kr hægri enn tá. Tað merkir, at framburðurin nú er meiri grundaður á okkara egna framleiðsluvirði.
Men av tí, at sosialistiska samgongan nú drenar høvuðsvinnuna fyri 100-tals milliónir hvørt ár og økir almennu nýtsluna, kann eitt bakkast, ið skyldast,
at fiskistovnar og fiskiskapur, serliga av flotfiski, minka,
at fiska- og/ella laksaprísir falla, og/ella at oljuprísurin hækkar,
so fær landskassin aftur rakstrarhall, og búskapurin fær bakkast.
6.000 fleiri gistingar í ferðavinnuni fyrra hálvár 2017
Tað vóru 75.602 gistingar í ferðavinnuni fyrra hálvár í ár.
Tað eru 9% ella 6.205 fleiri gistingar enn sama tíðarskeið í fjør og knappliga 8.000 fleiri enn sama tíðarskeið fyrra árið.
33% av gistingunum vóru hjá ferðafólkið úr Danmark, 26% úr Føroyum, 27% úr øðrum europeiskum londum og tey síðstu 4% uttan fyri Europa.
Mest lisið í farnu viku
Samband
Heygsvegur 8
490 Strendur