Vit høvdu ongantíð ætlað at keypt eina kúgv, av tí at vit eru fátøk og als ikki høvdu havt ráð til tað. Vit eru so glað fyri at hava fingið eina kúgv sum gávu, tað er veruliga eitt vælsignilsi fyri okkara familju! Ongantíð fyrr hevur nakar givið okkum nakað fyri onki ella sum gávu.
Tá vit fingu kúnna, trúðu vit, tað var ein dreymur. Men tað er ongin dreymur, tað passar, at vit hava fingið hana! Okkara ætlan við kúnni er, at hon skal kálva. Mjólkina skulu børn okkara hava, og tað, ið eftir er, kunnu vit selja. Vit vænta, at nógvir kálvar fara at koma undan henni, og at hetta, sum frá líður, fer at gera okkara familju betur fyri fíggjarliga. Vit takka teimum, ið hava givið kúnna, og sum hava gjørt tað møguligt hjá okkum at koma burtur úr einum lívi í fátækadømi. Um menniskju, ið eiga pening, vilja hjálpa fátøkum menniskjum í Bangladesh og aðrastaðni í verðini, so kann fátækadømi basast. Sum ein fátøk familja eru vit so glað fyri at hava fingið hesa kúnna.

Túsund takk fyri gávuna!

Kelda: Skandinaviska Barnamissiónin