Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing

Noktar at tosa við løgregluna

Uttanlands | 11/10 11:32

Drápsskuldsetti Peter Madsen vil ikki longur tosa við løgregluna. Tað hevur hann boðað frá umvegis verja sín, upplýsir løgreglan í Keypmannahavn fyri Ritzau-tíðindastovuni. 

Herfyri funnu kavarar í Køge víkini fleiri líklutir av svensku tíðindakvinnuni Kim Wall, sum var farin út at sigla við Peter Madsen í kavbáti hansara. Høvd og tvey bein komu undan kavi. Harumframt varð ein knívur og ymisk klædnapløgg funnin. 

46-ára gamli Madsen hevur áður greitt frá, at Kim Wall undir einum óhappi varð rakt av eini lúku á kavbátinum. 

Ongin tekin eru tó um hetta á høvdi hennara, upplýsti løgreglan um vikuskiftið, og millum annað hesa upplýsingina vildi løgreglan hava eina viðmerking frá varðhaldsfongslaða manninum um. 

Ein skuldsettur hevur rætt til ikki at svara spurningum frá løgregluni. Løgreglan vónar kortini, at hann seinni letur seg avhoyra. 

- Vit halda fram við kanningunum, og tá tær eru lidnar, fara vit at leggja úrslitið fyri skuldsetta, siga tey á løgreglustøðini í Keypmannahavn.


Skrivað: Leivur Hansen
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir