Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Makrelur fiskaður við nót gav betri prís

Fiskivinna, Innanlands | 11/10-2017 13:56
Mynd: Torleif Johannesen, Sjómansmissiónin

Høgaberg fekk 80 oyru meira fyri kilo, tí fiskað varð við nót.

Høgaberg hjá Framherja hevur gjørt 7 túrar eftir makreli síðani fyrst í september, og tað serliga í ár er, at teir hava fiskað allar túrarnar við nót. Tað skrivar facebook-síðan hjá Føroysku Sjómansmissiónini, sum hevur vitjað umborð á Høgabergi.

“Vit vildu royna tað í ár og vita um vit fingu betri prís, og tað eydnaðist. Vit hava fingið uml. 80 oyru meira fyri kilo fyri okkara makrel enn teir, sum hava trolað eftir honum,” sigur skiparin Høgni Hansen við Sjómansmissiónina.

“Eg veit ikki um makrelurin hevur svomið meiri í stimum í ár enn undanfarnu árini, men tað gekk væl at fáa hann við nót. Tríggjar av túrunum kastaðu vit bara eina ferð og fingu 700 og 800 tons í. Harafturat sluppu vit skjótt framat at landa, sum jú eisini er ein treyt fyri at fáa bestu góðsku og harvið besta prísin,” sigur Høgni.

“Skulu vit fáa fatur í bestu keyparunum, mugu vit koma við so góðari góðsku sum gjørligt,” sigur hann.

Sjómansmissiónin skrivar, at manningin var blíð við sjómanstrúboðaran, sum vitjaði umborð á Høgabergi, sum lá í Runavík mánadagin, áðrenn teir fóru aftur til fiskiskap.

Sjómansmissiónin ynskir teimum og sjófólkinum annars Guds signing og varðveitslu.

 

Kelda: Føroyska Sjómansmissiónin


Lagt út: Helgi Abrahamsen
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Stefan Løfven fallin
Finskur ráðharri í politiskum ódnarveðri tí hann hevur mótmælt fosturtøku
Nógvur vindur í løtuni - bilur tikin av vindi
Opið bræv til Føroya Landsstýri og Føroya Løgting
Eyðun Mørkøre - øll nýtast ikki at búgva í Havn
Hugnaløtan (34) - Gestur: Jeffri Johannesen
Hava funnið Endeavour hjá James Cook
Skuldsettur fyri dráp
Menningar­kvotur kunnu misbrúk­ast uttan avleiðingar
Leggi ikki í at leggja meg út í orðadrátt við Sonju Jógvansdóttir, tingkvinnu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi