Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Savnið
Lýsing
Lýsing

Dýr semja um makrelin

Fiskivinna, Innanlands | 12/10 08:55

Føroyingar missa stór virði, nú semja er gjørd um makrelkvotuna fyri næsta ár.

Nú semja er gjørd um makrelkvotuna fyri næsta ár er greitt, at Føroyar fara at missa stórar inntøkur í 2018.

Strandarlondini Føroyar, ES og Noreg skrivaðu í gjár undir avtalu um fiskiskapin eftir makreli, og sambært semjuni verður mest loyvda veiða 816.797 tons í 2018. Føroyska makrelkvotan verður sostatt 102.924 tons. Tað eru 26.000 tons minni enn tað sum føroyingar kunnu fiska í ár.

Um vit siga at kiloprísurin er 6 krónur, so er talan um eitt mist virði á 156 mió. krónur.

Í næstu viku verða samráðingar um svartkjaft og norðhavssild. ICES mælti til at fiska 646.000 tons av sild í ár, men næsta ár verður mælt til at lækka kovtuna við góðum 100.000 tonsum.

Føroyar eiga 19% av sildakvotuni, so um tilmælið frá ICES verður fylgt, missa Føroyar 22.000 tons næsta ár. Við einum kiloprísi á 4 krónur svarar hetta til eitt mist virði á 88 mió. krónur.  

Men í fíggjarlógaruppskotinum fyri 2018 verður mett, at tilfeingisgjaldið fer at hækka við 82 mió. krónum næsta ár.   


Skrivað: Helgi Abrahamsen
Lýsing
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir