Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Poul Michelsen í svari til Edmund Joensen: Yvirtøkan broytir einki viðvíkjandi flóttafólkum

Innanlands, Politikkur | 12/10-2017 12:58

“Tað er eitt politiskt val, um vit í Føroyum ynskja at taka ímóti flóttafólki; eitt val, sum ikki er treytað av eini yvirtøku,” sigur Poul Michelsen, landsstýrismaður.

“Føroyar virka longu í dag undir eini danskari útlendingalóg, sum áleggur okkum at veita flóttafólki friðskjól, lúka tey treytirnar í lógini um flóttafólk. Í so máta broytir yvirtøkan onki í mun til verandi støðu.” Tað sigur Poul Michelsen, landsstýrismaður við uttanríkismálum, sum hevur svara einum drúgvum § 52a fyrispurningi frá Edmundi Joensen, løgtingsmanni.

Edmund Joensen spurdi landsstýrismannin um hvørjar fyrireikingar eru gjørdar í sambandi við at Føroyar fara at yvirtaka flóttafólkamál saman við yvirtøkuni av útlendingamálum.

“Tað sum broytist við eini yvirtøku er, at Føroyar yvirtaka fullan ræðisrætt á málsøkinum við teimum heimildum og skyldum sum fylgja við,” sigur Poul Michelsen.

“Tað er sostatt eitt politiskt val, um vit í Føroyum ynskja at taka ímóti flóttafólki; eitt val, sum ikki er treytað av eini yvirtøku,” sigur hann.

Mugu undir øllum umstøðum viðgera málið

Poul Michelsen vísir á, at tað eru nógvir spurningar og avbjóðingar, sum knýta seg at eini møguligari avgerð um at taka ímóti flóttafólki.

“Hetta eru spurningar, sum vit í Føroyum eiga at viðgera uttan mun til eina yvirtøku,” sigur hann.

“Í skrivandi løtu ber tó ikki til at svara ítøkiligu spurningunum um, hvussu samansetingin av flóttafólki verður, hvør skal visitera, hvussu heilsutænastur skulu fyriskipast, hvar flóttafólk skulu hýsast o.s.fr.,” sigur Poul Michelsen.

Orsøkin er, at ein stórur partur av spurningunum eru treytaðir av teimum avtalum, sum Føroyar kunnu fáa við onnur lond innan tey øki, hvar servitan uttanífrá er neyðug. Harumframt verður neyðugt at gera avtalur við bæði kommunur og hjálparfelagsskapir í mun til endurhýsing, integratión v.m.

Skiftistíð

Poul Michelsen sigur, at landsstýrið miðar ímóti, at fáa eina skiftistíð eftir at Føroyar formliga hava tikið avgerð um at yvirtaka málsøkið, til allar uppgávurnar endaliga eru fluttar til Føroya.

“Í skiftistíðini hava vit møguleika at fyrireika okkum og at leggja málsøkið og umsitingina meiri ítøkiliga til rættis, herundir eisini eina flóttafólkatilbúgving. Tó er tilgongdin ikki komin so mikið áleiðis enn, at vit vita, hvat endaliga úrslitið verður,” sigur hann.

Sambært samgonguskjalinum skulu útlendingamál verða yvirtikin í hesum valskeiðinum.


Lagt út: Tóri Højgaard
Lýsing
Mest lisið í farnu viku
Menningarkvotan í Vestmanna í vanda
Prát við Jóan Paula í Geil
Segði Rigmor Dam ov nógv um tíðindaleiðaran?
Samgongulimur: Tunnilin til Fámjins verður boðin út í morgin
Fuglafjarðarsendingin (3) - 20. sept. 2018
Jónfinn valdur til " ársins Vestmenning ", er staddur í Mauritania
Vestmannadagar: Veðrar úr Góðmansskor á uppboðsølu - veðrur fór fyri  6.500 kr
Kristin Michelsen misnøgdur við raðfesting­ina av tunlum
Góður gongutúrur í gjár - "Vestmannadagar" halda fram í dag
750.000 laksar deyðir í Sundalagnum
Vespureiðrið (90) - 24. sept 2018
Semja við handverkarafeløgini
Samhaldsfasti hækkar 1.045 kr. Lands/­kommunukassar fáa 1.070 kr
Spreinging á Rókini 20/­9-18
Stefan Løfven fallin
Finskur ráðharri í politiskum ódnarveðri tí hann hevur mótmælt fosturtøku
Nógvur vindur í løtuni - bilur tikin av vindi
Opið bræv til Føroya Landsstýri og Føroya Løgting
Eyðun Mørkøre - øll nýtast ikki at búgva í Havn
Hugnaløtan (34) - Gestur: Jeffri Johannesen
Hava funnið Endeavour hjá James Cook
Skuldsettur fyri dráp
Menningar­kvotur kunnu misbrúk­ast uttan avleiðingar
Leggi ikki í at leggja meg út í orðadrátt við Sonju Jógvansdóttir, tingkvinnu
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi