Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Carl Jóhan Kjølbro vann myndakappingina

Innanlands | 12/10-2017 13:31
Mynd: Carl Jóhan Kjølbro

Vinnarin av myndakappingini hjá Klaksvíkar kommunu gjørdist Carl Jóhan Kjølbro.

Klaksvíkar kommuna hevur júst havt eina myndakapping um at myndprýða nýggju kortini, sum kommunan brúkar í samband við vitjanir, heilsanir, brúdleyp o.a. Kappingin endaði mánadagin, og vinnari gjørdist Carl Jóhan Kjølbro.

Áðrenn Carl Jóhan fór á trygdarskeið hjá Sjónámi tíðliga ein novembermorgun í fjør, tók hann hesa vøkru myndina, sum nú fer at prýða kortini, sum Klaksvíkar kommuna letur í samband við ymisk høvi.

Sjálvur sigur Carl Jóhan við heimasíðuna hjá Klaksvíkar kommunu, at hann hevði ikki væntað at vunnið kappingina.

“Hatta var ein avbera vakur morgun, so eg helt hatta vera eina stuttliga mynd at taka á kajini, og eg kom beinaveg í tankar um hasa myndina, tá ið eg las um kappingina, men eg hevði slett ikki væntað at vinna,” sigur Carl Jóhan.

Flestu av innkomnu myndunum vóru náttúrumyndir, og fleiri teirra vóru eisini stuttligar og vístu Klaksvík úr sjónarhornum, sum annars ikki eru so vanlig, og tað er vinnandi myndin eitt dømi um, sambært Jógvani Skorheim, borgarstjóra.

“Umframt at vera vøkur í litum, uppseting og motivi, so fortelur myndin søguna um sambandið millum sjógv og land, vinnu og bý. Harumframt sæst sólin rísa upp yvir býin og ljós verður varpað á nýggja miðbýarøkið, sum eisini er við til at menna samleikan hjá kommununi,” sigur borgarstjórin.

Saman við samskiftisfólkinum hjá Klaksvíkar kommunu og Jastrid Gullaksen, grafikara, hevur hann mett um myndirnar og valt vinnaran.

Tilsamans 59 myndir vóru við í kappingini, og vinnarin fekk 1.000 krónur.

Kelda: Klaksvíkar kommuna


Lagt út: Helgi Abrahamsen
Lýsing
Mest lisið í farnu viku
Countryrøddin hjá Alex er tagnað her
Prát við Virgar Dalsgaard
Prát við Virgar Dalsgaard
Sjúrður Højgaard við umbygdum barnavogni - allar Føroyar fáa vitjan
Bussur útav
Vit mugu tora at standa við okkara sannføring
Pól Huus Sólstein hugleiðir
Nýggju plakatir­nar hjá Suffiu Nón eru komnar í handlarnar
Summar­ungdómsmøtir í Havn 2018
Tað villasta eg havi upplivað - hetta var heilt fantastiskt
Nærum liðugt við Grótbrúgv
Ein samandráttur frá Runutusk2018 - VIDEO
Mál útloysti jarðskjálvta
Flottir eru teir -myndatema
Klaksvíkar Býráð fer í dag at viðgera Sjósavnið
Vespureiðrið (81) - 18. juni 2018
Víkingur ynskir sær HJK Helsinki - bolt.fo
Prestur letur kaffistovu upp
Hagtøl geva ábending um at fiskimenn hava rætt
Ruth inn av seinasta túrinum fyri summar­feriuna
Øll hini máli­­ni eru avgreidd frá tinginum
Hugnaløtan (25) - Gestur: Alfred Olsen
Samrøður frá Countryfestivali­num 2018
Jacob Vestergaard: Ótryggleikin í føroysku fiski­vinnuni veksur fyri hvønn dag
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi