Góðveður í dag
Lítil vindur, turt og nakað av sól. Tað er vakurt í dag og fólk fáa hug at taka myndatólið fram. Vit leggja tí nakrar myndir saman við veðurtíðindunum í dag. Myndirnar eru tiknar av fólki sum starvast á R7 og lurtarum sum hava sent okkum myndir.
Veðurlagið:
Ein hátrýstryggur 1010 hPa flytur seg inn yvir Føroyar av útsynningi og hvørvur seinni norðureftir. Samtíðis kemur eitt lágtrýrst, 958 hPa inn yvir Írland av suðri og tað fer víðari í ein landnyrðing. Tilhoyrandi brúgvaløg fara í kvøld at hava regn og vind við sær á havleiðunum í ein landsynning úr Føroyum.
Veðurvánirnar:
Lot til andøvsgul av vestri ella ymsum ættum, undir 8 m/s. Tað verður turt og nakað av sól. Hitin fer at liggja millum 6 og 10 stig. Í kvøld verður frískur vindur av landnyrðingi, upp til 10 m/s, og móti náttini andøvsgul til strúk í vindi 8 til 13 m/s. Tað verður turt fyri tað mesta, og hitin fer at liggja millum 5 og 9 stig.
Veðrið týsdagin:
Andøvsgul til strúk í vindi av landnyrðingi og norði, 8 til 13 m/s, sum seinnapartin minkar til lot til andøvsgul, undir 8 m/s. Skýggjað, men turt fyri tað mesta. Hitin fer alt samdøgrið at liggja millum 5 og 9 stig.
Veðrið mikudagin:
Lot til andøvsgul av landnyrðingi, 3 til 8 m/s, sum seinni snarar í eystan og minkar til gul til frískan vind, 5 til 10 m/s. Hósnáttina verður andøvsgul til stúk í vindi 8 til 13 m/s. Turt og skýggjað fyri tað mesta. Hitin fer alt samdøgrið at liggja millum 6 og 10 stig.
Veðrið hósdagin:
Andøvsgul til strúk í vindi av eystri, 8 til 13 m/s, sum seinni veksur til frískan vind til hvassan vind, 10 til 15 m/s. Skiftandi skýloft, men turt fyri tað mesta. Hitin fer alt samdøgrið at liggja millum 6 og 10 stig.
Og veðrið fríggjadagin:
10 til 15 m/s av eystri, turt og nakað av sól, men móti kvøldi verður skýggjað og av og á regn. Hitin fer alt samdøgrið at liggja millum 6 og 10 stig.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur