ST-nevnd fegnast um barnabatar í Føroyum
Nevndin vísir tó eisini á viðurskifti, har tey meta, at Føroyar eiga at fremja átøk. Eitt nú mælir nevndin til at seta í verk miðvís átøk at basa barnafátækradømi.
Føroyar vóru til hoyring í ST 15. september í sambandi við sáttmálan um barnarættindi, sum hevur verið í gildi fyri Føroyar síðani 1993.
Serfrøðinganevndin, sum stendur fyri eftirlitinum av sáttmálanum, hevur nú gjørt sínar niðurstøður, boðar Vinnumálaráðið frá.
Serfrøðinganevndin fegnast um, at Føroyar síðani seinastu hoyring hava tikið undir við sáttmálaískoytinum um at basa barnasølu, barnaprostitión og barnapornografi, og at Føroyar hava sett í verk eina heildarætlan at basa harðskapi í nærsambondum.
Nevndin vísir tó eisini á viðurskifti, har tey meta, at Føroyar eiga at fremja átøk. Eitt nú mælir nevndin til at seta í verk miðvís átøk at basa barnafátækradømi, serliga við atliti at børnum hjá støkum uppihaldarum, umframt at styrkja hagtalsgrundarlagið.
Tilmælini eru send til viðkomandi myndugleikar til støðutakan, sigur Vinnumálaráðið.
Mest lisið í farnu viku
Samband
Heygsvegur 8
490 Strendur