Týsdagin hevði vinnunevndin í Løgtinginum fund. Á fundinum møttu millum annað umboð fyri JFK-samtakið var í Klaksvík. 

JFK-samtakið verður noytt til at gera umfatandi tillagingar um uppskotið um fiskivinnunýskipan, ið nú liggur í tinginum verður veruleiki. Millum annað verður avleiðingin, at samtakið fer at sleppa sær av við 14 skip og eitt virki. Hetta merkir, at samlaða starvsfólkatalið minkar úr 530 niður í 130 starvsfólk. 400 fólk missa sostatt arbeiði.

Starvsfólkaútreiðslurnar, ið fyri tað mesta er løn og hýra, lækka úr 303 mió. kr. niður í 172 mió. kr. 

Tey fýra skipini ið verða eftir, eru Gadus, Borgarin, Norðingur og Klakkur. Harumframt verður frystigoymslan Norther Cold Storage eisini varveitt. 

Samanumtikið metir samtakið at uppboðssøla:

• Er er ein sera vánaligur háttur at fáa pening í landskassan
• Fer at steðga allari nýbygging av skipum til fiskivinnuna og gera fíggingarmøguleikarnar munandi verri
• Fer at skapa sera ótrygg arbeiðskor hjá fiskimonnum, hýrurnar lækkað
• Fer at gera støðuna truplari, tá fiskivinnusamráðingar vera við onnur lond
• Fer at gera tað munandi truplari at marknaðarføra føroyskan fisk
• Fer at beina fyri yvirskotinum í fiskivinnuni, soleiðis at fiskivinnan frameftir ikki fer at birta undir annað virksemi í samfelagnum
• Fer at fáa gularótina at sleppa inn í fiskivinnuna at hvørva
• Fer at minka um møguleikarnar hjá nýggjum aktørum at koma uppí fiskivinnuna

Framløgan hjá JFK er tøk á netinum, og kann lesast her.