ICES tekur aftur kvotutilmælið fyri norðhavssild
Altjóða havrannsóknarstovnurin ICES hevur tikið aftur kvotutilmælið fyri norðhavssild fyri 2018. Orsøkin er ein feilur í tølunum, sum teir brúka sum grundarlag fyri sínum tilmæli. Sostatt er neyðugt at gera nýggjar útrokningar, upplýsir stovnurin. Væntandi kemur eitt nýtt tilmæli í næstu viku.
- Tað er óheppið, tá slíkt hendir ferð eftir ferð, og umráðandi er, at ICES góðskutryggjar arbeiði sítt betri, sigur stjórin í felagnum hjá norska langfarafiskiflotanum, Audun Maråk, við heimasíðu felagsins.
-Tó er tað gott, at granskingarstovnar rætta ráð síni á ein opnan og ruddiligan hátt, tá feilir verða avdúkaðir. Verður roynt at fjala slíkt, viknar álitið munandi, sigur Maråk.
Upplýsingarnar komu fram undir samráðingunum millum strandarlondini, sum eru í London í løtuni um kvoturnar á norðhavssild og svartkjafti næsta ár. Nýtt kvotutilmæli fyri norðhavssild verður væntandi ikki klárt fyrrenn í næstu viku.
Mest lisið í farnu viku
Samband
Heygsvegur 8
490 Strendur