“Tað er ikki tí at Posta manglar pengar.” Joel undir Leitinum flennir í telefonini, tá vit ringja til hansara fyri at spyrja, hví fleiri postbilar stóðu við ongum nummarplátum í morgun.

Talan er um eina misskiljing sum er íkomin í sambandi við, at Posta hevur leasa nakrar bilar. Rokningarnar fyri vegskatt eru sendar til tann, sum bilarnir eru leasaðir ígjøgnum, men hesin hevur eftir øllum at døma ikki sent tær víðari. Joel undir Leitinum harmast um støðuna.

“Eg bleiv uppringdur av starvsfólkum tíðliga í morgun, sum boðaðu frá, at bilarnir stóðu við ongum nummarplátum,” sigur hann.

Tilsamans 5 bilar hjá Posta hava mist nummarpláturnar í nátt.

(myndir: Birgir Waag Høgnesen)