Vakthavandi á Politistøðini sigur at løgreglufólkini kannaðu um fólk í bilunum vóru bundin í trygdarbelti og eisini hugdu tey at avsetingini.

-Hetta hava vit gjørt í longri tíð nú. Vit royna at vera úti hvønn morgun, tó á ymiskum støðum. Tað er gott skil á fólki og eg haldi at tað blívur betur og betur, sigur vakthavandi.

Umstøðurnar at seta skúlabørn av við Løkin eru fyrimyndarligar fingu vit á R7 eisini at vita.

Tá ið kanningararbeiðið var liðugt fóru løgreglufólkini ein túr inn á skúlan. Skúlastjórin og lærarar fingu boð um at rósa næmingum og foreldrum. Tað var ikki ein einasti sum varð uppskrivaður fyri nakað í morgun, siga tey á skúlanum við Løkin.