Myndir frá minningarhaldinum í Havn
Føroyska Sjómansmissiónin hevur lagt hesar myndirnar út á sína facebook-síðu.
Í gjár, allahalgannadag, skipaði Føroyska Sjómansmissiónin fyri minningarhaldi fyri teimum sjólætnu. Minningarhaldið var á Vinnuháskúlanum í Havn.
Røðarar vóru Poul Michelsen, landsstýrismaður og Heri Joensen, prestur.
Aftaná var kransur lagdur við minnisvarðan í Viðarlundini.
Í gjár skrivaðu vit at fýra vóru deyðir á sjónum tað seinasta árið, men seinni var hetta talið rættað til fimm. Teir eru:
Niels Jacob Pauli Thomsen, Sumba, andaðist umborð á útróðrarbátinum
Anniku á Norðhavinum tann 20. mars, 66 ára gamal.
Kristian Rasmusson Glyvradal, Haldórsvík, andaðist umborð á Gadus 26. mai, 54 ára gamal.
Tóri Midjord, Tórshavn, druknaði í Leirvík 19. august, 67 ára gamal.
Mortan Leo Clothier, Argir, sjólátin í Skopunarfirði 31. august, 71 ára gamal.
Hákun Elnarson Justinussen, Leirvík, andaðist umborð á Polarhav 22. oktober, 50 ára gamal.
“Ærað veri minni teirra, og Gud signi og varðveiti sjófólkið og teirra kæru,” skrivar Sjómansmissiónin.
(Myndir: Torleif Johannesen)
Mest lisið í farnu viku
Samband
Heygsvegur 8
490 Strendur