Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Nótaskip fer frá risastórum avlopi í 2016 til undirskot í 2018

Fiskivinna, Innanlands, Lesarabrøv | 03/11-2017 17:48

Við at analysera roknskap og kvotur fyri 2016 og 2018, sæst, at nótaskip fer frá avlopi í 2016 til undirskot í 2018.

Ber tað til at nótaskipini hava hall í 2018? Hetta ljóðar sum skemt. Men tað er tað ikki. Útrokningin er gjørd og aftaná samanborin við roknskapartølini hjá tí skipi, sum er brúkt sum dømi. Og sum sæst niðast í hesari grein, eru fleiri av skipunum, sum hava stórst avreiðingarvirði rættuliga jøvn í stødd av kvotum. Tí kann hetta dømið ivaleyst siga nógv um hini skipini eisini.

Vit hava hoyrt partar úr uppskotinum um tilfeingisgjald fyri 2018, sum væntandi verður lagt fram í morgin, fríggjadagin. Út frá tí, sum er frætt, havi eg so gjørt ávísar útrokningar. Eisini vita vit á leið hvussu nógvan uppisjóvarfisk vit kunnu fiska komandi ár.

Vit hava tikið støðið í einum uppisjóvar skipi við vanligari kvotu. Tað er eitt sindur ójavnt hvørji rættindi ymisku skipini hava. Somuleiðis er greitt, at skipini hava havt sera stórar kvotur. Men hesar kvotur minka rættuliga nógv.

Og tí havi eg gjørt eitt roknistykki fyri eitt av hesum skipum.

Úrslitið er ræðandi.

Við at taka tey rættindi, sum eitt vanligt uppisjóvar skip hevur  og draga frá tað sum kvoturnar minka og tað sum skal seljast á uppboðssølu, broytist úrslitið nógv skeiva vegin.

Lækkingin í prosentum er 60,5%. Veiðuvirðið lækkar tí meira enn 100 milliónir. Sum tummilfingur-reglu ber til at siga, at tá minkar botnlinjan hjá reiðaranum við uml. 60-65 prosentum. Útrokningin sum er gjørd er sera neyv. Har er alt tikið við. Útreiðslur eru taldar við niður í smálutir. Men smálutir upplýsi eg ikki.

Í 2018 verður úrslitið 73,5 milliónir verri áðrenn skatt enn í 2016. Tað verður tí undirskot.

Soleiðis sum eg dugi at síggja tað, so fáa øll skipini undirskot í 2018. Tey sum eiga fleiri skip kunnu tó leggja okkurt av sínum skipum og fiska samlaðu kvotuna við einum skipi. Men við tilfeingislógini í huga, er ivaleyst skilagott at hava nakað av rakstri við øllum skipum og harvið verður ongin ónormalur vinningur! Ikki um at tala, vísur tað seg, at prísurin fyri gomul skip er ov lágur.

Hetta vísir okkum eisini, at ongin nýggjur aktørur kann sleppa fram at og teir minstu aktørarnir fara allir konkurs. Og vit vita hvør so keypur á uppboðssøluni. Og teir eru allir sum ein, óynsktir av øllum. Ikki bara av øðrum í vinnuni. Men eisini av politikarum og Føroya fólki.

Tað er ikki neyðugt at verða búskaparfrøðingur at rokna út, at lægsta boð á uppboðssøluni, har manningin ikki luttekur í gjaldingini av rættindunum, fyri t.d. makrel verður upp til 2 krónur hægri við lágløntari  manning. Tí er alternativið at keypa á uppboðssølu ikki møguligt, uttan so at verðandi reiðarar skifta Føroysku manningina út við útlendska bíliga manning, sum sambært tekstinum á síðu 117 í uppskoti um sjófongi, er loyvt. Á síðu 117 stendur: Tað ber til at skipa viðurskiftini soleiðis, at manningin ikki kemur undir kravið um arbeiðsloyvi!!!!!!!!!!!!!!!!!!!!!!

So bye bye føroyski sjómaður! 

Eivind Jacobsen
Strendur

Frágreiðing: Kvotan av makreli minkar 20% sildakvotan minkar 40% og svartkjaftakvotan er óbroytt. Sildaprísurin lækkar 50% og svartkjaftaprísurin 35%. 7% verða royndakvotur og 25% verða seld á uppboðssølu. Avtalur við onnur lond eru roknaða at minka í sama lutfalli sum kvotur minka soleiðis at lutfallið verður óbroytt. Somuleiðis er mótrokna og tikið hædd fyri at í ár er ávísur partur seldur á uppboðssølu og er hesin mótroknaður. Oljunýtslan er regulera fyri færri væntaðar fiskidagar. Rokna er eisini við at manningin betalur fyri ásetta tilfeingisgjaldi av eginkvotum, eins og gjørt verður í dag.

Rokna verður ikki við at keypa kvotu á uppboðssølu. Hetta tí at soleiðis sum lógin er orða, hava skip, sum brúka bíliga manning, nógv best kappingarføri og keypa 100% av uppboðssølupartinum.

Støða er ikki tikin til at reka skip við útlendskari manning, men tað kann gerast neyðugt.

Fyri at lesarin sjálvur kann gera sær eina meining, viðhefti eg eina útrokning yvir avreiðingarvirði hjá ymisku skipunum. Hendan útrokning er gjørd við at finna miðalprísin fyri 2016 á ymsiku fiskasløgunum og falda hann við veiðuna. Við nakað av stríði kann ein telja seg til hesi tøl á síðuni hjá Vørn. Havi eftirkanna í onkrum innanhýsis roknskapi. Og tølini eru rættuliga bein. So bein at ongin orsøk er at rokna umaftur og tølini eru rættvísandi. Tann feilur sum er, er tí at øll fáa sjálvandi ikki miðalprís alla tíðina, umframt at Næraberg og Norðborg framleiða umborð.

Sum onkur kanska hevur hugsa, so tosa vit um at minkingin í sølu verður á leið 60% Helvtin er minni kvotur og prísur og hin helvtin uppboðssøla.  Tað sum fer á uppboðssølu verður keypt av teimum, sum eru skjótastir at fáa sær bíliga manning.

 

Skip, avreitt í 2016 í krónum tilsamans

170.488.966   Norðborg                   
187.236.680   Christian í Grótinum  
223.288.350   Fagraberg                 
  61.530.000   Høgaberg                  
141.004.850   Finnur Fríði           
169.341.130   Jupiter                      
179.429.844   Tróndur í Gøtu       
  51.366.942   Tummas T                
126.292.944   Norðingur                
  64.196.576   Næraberg                  
    6.657.000   Slættaberg                  
  18.647.598   Kappin                       
    6.503.595   Kúrberg                       
  19.008.714   RAN                          
  


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Eivind Jacobsen
Lýsing
Mest lisið í farnu viku
Álvarsom lúgvisjúka stórtrívst millum ávísar journalistar í Føroyum
Norð­oyggjar missa nógv orsaka av fiski­vinnu­nýskipanini
Kristin Michelsen: Hetta er brot á lógirnar hjá Javnaðar­flokkinum
Ætlar Bjørn at forkoma Sjálvstýris­flokki­num?
Kristin Michelsen stillar uppaftur
Alt hevur sína tíð her á fold
Jenis ætlar sær í lands­stýrið
R7 og KvF samsenda
Kanning av kynsligari misnýslu av børnum í Føroyum
Fuglafjarðarsendingin (7) - 18. okt. 2018
Hugnaløtan (38) - Gestur: Karina Højgaard
Ljóðbrot: Tá dunnan endaði undir sofuni
Óreglusemi á fundarborði í fiski­mála­ráðnum
Líggjas Johannesen: Hvar eru pengarnir brúktir?
Hava lýst eftir stjóra fyri slakar 50.000 krónur
Sverri Hansen sagt seg úr búskaparráðnum
Metis - Øll sendingin - 16. oktober 2018
At lata Almanna­verki­num fleiri íbúðir loysir sjálvandi nakað
Myndarøð: Café"in á Mølini í Skálavík
Myndarøð úr Føroyingahavn­ini: Tíðarin­nar tonn er farin avstað við tí mesta. 
Norðlysið gitar: Tummas Lervig fyri Hendrik Old
Eg gangi út frá, at Poul Michelsen hevur eina góða frágreiðing til vanliga skattgjaldaran
Saudi-Arabiski krúnprinsu­rin kann verða koyrdur frá
Sjálvstýri havt ársfund
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi