Myndarøð: Eysturkommuna bjóðar morgunmat
Í sambandi við at G! Grunnurin skipar fyri tónleikatiltakinum HOYMA í dag 4. november, bjóðar Eysturkommuna øllum sínum íbúgvum og gestum til góðan morgunmat í skúlanum við Gøtugjógv.
Morgunmaturin byrjaði kl. 09.30 í morgun og longu frá byrjan komu nógv fólk at fáa sær ein morgunmatarbita. Bæði íbúgvar í Eysturkommunu, gestir hjá Hoyma og ferðafólk vóru at síggja. Tað er kórið Eystanljóð sum hevur gjørt leskiliga morgunmatin. Borðreitt var við heimabaksturi, eggum og feski, frísktpressaðum djúsi, føroyskum viðskera o.ø.
Í skúlagarðinum standa heitu pottanir klárir til brúk.
Av øðrum virksemi í skúlanum í gøtu í dag kann nevnast sølutorg við Hallberu, Sædis-glas, Hemmas, Rokokko og Mourentsu.
Til ber eisini at keypa kaffi og okkurt gott afturvið í skúlanum frá 9.30 til 21.00 og frá kl. 17.00 til 21.00 er matstova í skúlanum við Gøtugjógv, har Eystanljóð selur 3 rættaða matskrá.
Kl. 18.30 byrjar sjálvt HOYMA, skráin sæðst her: Hoyma 2017 skrá
Mest lisið í farnu viku
Samband
Heygsvegur 8
490 Strendur