Politiskt palestinskt hungursverkfall í Ísrael
Fleiri enn 1.000 palestinskir yvirgangsmenn, dømir og fongslaðir í Ísrael, royndu at fara í hungursverkfall í vár ímóti livikorunum. Men tað miseydnaðist.
Teir fongslaðu Hamas- og Fatah-terroristarnir, ið eru dømdir fongsul í Ísrael fyri drápulig álop av jødisk sivil og hernaðarfólk, fóru í hungursverksfall fyri at mótmæla, at eitt nú skyldfólk teirra ikki so lætt sluppu at vitja teir í fongsli.
Tað man vera ein himmalvíður munur á at sita fongslaður í fangaholum í Gaza ella á Vestara Áarbakka, og so at sita í ísraelskum fongslum.
Ein fyrimunur, palestinskir drápsmenn hava fram um flest aðrar fangar kring heimin, er at fáa almenna løn og familjan pensjón fyri tey dráp, drápsroyndir o.a. yvirgang, jihadistarnir eru dømdir og fongslaðir fyri.
Trump hevur hótt Mahmud Abbas, at USA gevst at fíggja statskassan hjá Fatah, um Abbas og PA-stjórnin í Ramallah ikki straks gevst at gjalda drápsmonnum løn og pensjón alt eftir, hvussu stóran skaða teir hava gjørt.
Palestinski leiðarin fyri hungursverkfallinum var Marwan Barghouti, ið varð dømdur fyri morð í 2004. Eygleiðarar vænta, at hesin Barghouti verður eftirmaður Mahmud Abbas, tá (um) Abbas leggur frá sær.
Hann situr nú á tígginda árið sum Fatahleiðari í tí 4 ára valskeiði, hann varð valdur til at sita, Bush yngri gav palestinum møguleikan at velja fólkastýri í 2008, og palestinar valdu tvær terrorrørslur at stjórna sær. Síðan tá einki val.
Hungursverkfallið stegaði, tá Ísrael læt skyldfólk vitja fangar oftari og gav teim longri telefontíð. Annars lýkur Ísrael øll altjóða krøv um fongsulsumstøður.
Al Jazeera, arabiska SV-støðin segði, at hungursverkallið byrjaði, tí at leiðarin Marwan Bargouti royndi at gera vart við seg millum palestinar, tí hann ætlar at gerast Al Fatah-leiðari og hevur tørv á almennari umtalu.
Mest lisið í farnu viku
Samband
Heygsvegur 8
490 Strendur