Bygningurin varð innilokaður herfyri og er sostatt klárur til veturin.

Vestanfyri torgið verður pumpuhúsið til sjóhitaskipanina bygt.

Har verður sjógvur pumpaður inn og síðani leiddur út í tilknýttu bygningarnar.

Í hesum sambandi eru rør grivin niður frá pumpuhúsinum og heilt niðan á stadionøkið, soleiðis at kommunalu bygningarnir á vegnum – skúlin, ítróttarhallirnar og svimjihøllin – eisini verða hitaðar við sjógvi tíðliga í komandi ári.

Harumframt kunnu aðrir bygningar eisini knýtast uppí sjóhitaskipanina, og verandi rør norðanfyri Betesda verða somuleiðis leidd uppí nýggja pumpuhúsið. 

Pumpuhúsið og sjóhitaskipanin verða eftir ætlan klár at taka í nýtslu saman við íbúðunum á Biskupsstorgi tíðliga í 2018.

Ætlanir eru eisini um at byggja nýggjan húsarhaldsskúla og nýtt kappróðrarneyst á økinum. Harumframt fer Bank Nordik eisini at byggja nýggjan bankabygning har - við landssyningsendan á íbúðabygninginum.