Vága Floghavn skal hava nýggjan stjóra
Jákup Sverri Kass er farin úr starvi sum stjóri fyri Vága Floghavn. Tað boðar P/F Vága Floghavn frá á heimasíðu síni.
-P/F Vága Floghavn og Jákup Sverri Kass eru í dag komin ásamt um at enda samstarvið teirra millum. Evy Jacobsen er sett sum virkandi stjóri fyri Vága Floghavn til nýggjur stjóri er settur, kunnger P/F Vága Floghavn
-Jákup Sverri Kass hevur verið stjóri fyri Vága Floghavn síðan apríl 2012. Hesi árini hevur stórur vøkstur verið í ferðafólkatalinum, viðurskiftini inni og rundanum flogvøllin eru munandi betraði, samstundis sum talið av vitjandi flogfeløgum er vaksið. Nevndin fegnast um rokkin úrslit, og vil við hesum takka Jákup Sverra Kass fyri tænastuna, sigur P/F Vága Floghavn í fráboðan síni.
-Tað er einki hokus pokus í hesum, nevnd og stjóri eru samd um avgerðina, sigur Kitty May Ellefsen, nevndarformaður í Vága Floghavn, við in.fo. Jákup Sverri Kass hevur ongar viðmerkingar, men vísir til P/F Vága Floghavn.
Mest lisið í farnu viku
Samband
Heygsvegur 8
490 Strendur