Kvotukongar umhugsa at krevja endurgjald frá statinum
Í kjalarvørrinum á fiskivinnuavtaluni um at taka undantaksloyvi frá kvotukongum, umhugsa reiðararnir nú at krevja endurgjald frá statinum. Tað sigur siger Esben Sverdrup Jensen. Hann er stjóri í Danmarks Pelagiske Producentorganisation, sum umboðar landsins 14 størstu uppsjóvarskip. Hann fer nú at biðja løgfrøðingar sínar kanna, um talan er um ognartøku, skrivar Berlingske Business.
Ognartøka merkir, at almennir myndugleikar yvirtaka privata ogn.
Áhugafelagið hjá uppsjóvarvinnuni fer at nærlesa avtaluna, sum varð gjørd í gjárkvøldið, saman við sínum løgfrøðingum.
"Líkt er til, at politikararnir hava verið sera kreativir í tulking síni av lóggávuni. Vit fara at gera eina gjølliga løgfrøðiliga greining av avtaluni, og so umhugsa vit, um endurgjaldsmál skal reisast," sigur Esben Sverdrup Jensen við blaðið.
Ítøkiliga snýr tað seg um, at politikararnir ætla at siga upp undantaksloyvini til reiðarí, sum liggja omanfyri kvotuloftið. Í avtaluni stendur, at kvoturnar verða uppsagdar við átta ára varningi. Alt Fólkatingið tekur undir við avtaluni, sum herðir reglurnar fyri fiskakvotur, so tær ikki enda á ov fáum hondum.
Strangari reglur, meira eftirlit og herd revsing skulu forða kvotukongum í at seta seg á ein ov stóran part av kvotunum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur