Danska blaðið Politiken veit at siga, at seinstu mánarnar hevur Danska Landbrugs- og Fiskeristyrelsen annulera 4-5 politiafráboðanir av fiskimonnum. Politifráboðanar vóru sendar í august, áðrenn Danska Landsgrannskoðanin almannakunngjørdi ein sera kritiska frágreiðing um umsitingina av fiskikvotum.

Orsøkin til at hetta er gjørt er ógreið. Ein embætismaður er uppsagdur og Fiskaríministarin, Karen Elleman, hevur biðið Kammeradvokatin um at kanna málið. Frágreiðingin skal verða liðug í 2018.

Av tí at fáar upplýsingar eru í málinum og ráðharrar ikki úttala seg um mál, sum verða kanna, er trupult at fáa at vita júst hvat er hent.

Men tað er undarligt, at 4-5 feløg í fiskivinnuni verða politifráboða, áðrenn ein frágreiðing, sum kritiserar Fiskimálaráðið verður almenn. Vit vita, at tá frágreiðingin bleiv almannakunngjørd bleiv onkur í fiskimálaráðnum uppsagdur. Táverðandi ráðharrin misti eisini sítt starv. Og nú eru politifráboðanin tikin aftur.

Roknast kann ikki við at nakað meira verður at frætta um smálutirnar í hesum, fyrr enn frágreiðingin verður klár seint í 2018.

Seinasta nýggja er, at danska politiska skipanin hevur gjørt semju um nýggjar reglur á økinum.