R7, Oyggjatíðindi og VP hava best fjølmiðlasið
Ein stutt gjøgnumgongd av kærum um brot á reglurnar um góðan fjølmiðlasið vísur, at tað bara eru R7, Oyggjatíðindi og VP, sum ongantíð eru kærd fyri brot á hesa reglugerð
Vit hava gjørt eina skjóta gjøgnumgongd av niðurstøðunum hjá Fjølmiðlakærunevndini. Hesar kærur síggjast á heimasíðuni hjá Kærustovninum. Tilsamans funnu vit 30 kærur. Tað er frá 2008 og fram til í dag.
Vit á R7 eru kanska nýggjasti miðilin. Men tað sær út til at talið av kærum er vaksandi seinastu árini. Orsøkin til at vit ikki sleppa upp í part er so ikki, at fólk eru givin at kæra fjølmiðlarnar.
Hvat orsøkin er til at R7, Oyggjatíðindi og VP eru teir fjølmiðlar, sum eftir hesum mátistokki, sýna bestan fjølmiðlasið vita vit ikki.
Vit kunnu tó siga, at úrslitið ivaleyst er óvænta fyri fleiri.
Mest lisið í farnu viku
Samband
Heygsvegur 8
490 Strendur