Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

MISSIÓNSSKIPIÐ BETHEL

Kristilig Tíðindi | 30/11 17:05
BETHEL liggur við bryggju í Hirtshals seinasta summar

- føroyingur siglir við

Kristiliga Tíðindasendingin hevur havt samrøðu við Klaksvíkingin og trúboðaran Hanus Poulsen, ið hevur virkað sum trúboðari innan Indremissiónina í Danmark síðani 2001, men seinastu tvey árini hevur Hanus virkað sum trúboðari innan Donsku Sjómansmissiónina við atliti til danska missiónsskipið BETHEL, sum varð keypt fyri 10 árum síðani.

Hanus Poulsen er ættaður úr Klaksvík. Hann og konan Maria fluttu við familjuni til Danmarkar í 2001, og búgva í dag í Slagelse á Sjellandi. Hanus sigur við Kristiligu Tíðindasendingina, at arbeiðsøkið hjá honum er Sjelland og Bornholm,
har hann vitjar allar havnirnar og manningarnar umborð á skipunum, sum liggja inni.

Danska Sjómansmissiónin hevur rikið missión í mong ár, har tey 45 sjómansheimini, sum missiónin hevur rikið um alt Danmark, hava verið ein søgulig berandi høvuðsæðr í arbeiðinum millum sjófólk, sum koma til lands í donskum havnum. Men tí at fiskaríðið, arbeiðslagið og umstøðurnar hjá sjómanninum eru rættuliga nógv broyttar tey seinastu nógvu árini, so er ikki longur tann sami tørvur á Sjómansheimum sum áður, tí skipsmenn í tí stóra og heila vitja ikki longur sjómansheimini á tann, sum teir gjørdu tað áður.

Hanus sigur, at seinastu mongu árini hevur Danska Sjómansmissiónin selt tey flestu sjómansheimini frá, soleiðis at tað í dag eru bert trý sjómansheim eftir í Danmark, og tá ið skipsmaðurin ikki longur kemur til sjómansheimið, so má
sjómansheimið koma til skipsmannin, og her er tað at visiónin um missiónsskip verður víðkað.

Burtur av tí tøka peninginum, sum er komin av søluni, keypti Danska Sjómanssmissiónin á uppboðssølu í 2007 eitt av gomlu vaktarskipunum hjá donsku verjuni at nýta sum missiónsskip millum donsku havnirnar. Skipið bleiv umbygt soleiðis, at tað varð egnað at sigla sum missiónsskip og varð navngivið BETHEL.

Missiónsskipið BETHEL er ikki eitt sjómansheim, men ein flótandi sjómanskafé, sum siglir millum donsku havnirnar. Hanus sigur, at skipið, við síni hugnaligu salong, har pláss er fyri umleið 25 fólkum, verður væl vitjað av bæði sjófólki og fólki av landi, sum, táið tey vitja umborð, kunnu fáa eitt gott prát um vanlig borgarlig viðurskifti eins væl og tað andaliga, og eisini er møguleiki at ogna sær góðan andaligan lesna umborð. Hanus sigur, at um onkur vitjandi sjómaður hevur tørv á serligari hjálp, so er manningin á Bethel til reiðar at hjálpa.

Seinastu tvey árini hevur Hanus verið ein av føstu manningini umborð á Bethel, og um Gud vil, kemur hann framyvir at virka sum sjómanstrúboðari við atliti til skipatænastuna hjá Donsku Sjómansmissiónini.

Siglingstíðin hjá Missiónsskipinum BETHEL er frá mai til oktober, og eftir tað verður skipið lagt fyri veturin. Seinasta summar vitjaði BETHEL m.a. í Kalundborg, Randers, Læsø, Hirtshals, fleiri havnir í Limfjørðinum og í Svendborg. Bethel er heimahoyrandi og skrásett á oynni Læsø.

Danska Sjómansmissiónin drívur eisini skipið DUEN, sum er eitt minnið skip enn BETHEL, og komandi summar kemur Hans at sigla við DUEN.


Meiningar og hugleiðingar ið verða bornar fram í sendingum á R7, umboða ikki meiningar, áskoðanir ella sjónarmið hjá leiðsluni í R7 Kringvarp.

Mest lisið í farnu viku
Smyril Line fær herðaklapp frá íslendskum feskfiskaútflytarum
Tveir politiskir flokkar farnir í søguna
Irak lækkar hjúnaaldu­rin niður í 9 ár
Føroyar gerast fátækari
Atlantsfarið stevnt fiski­mála­ráðnum
Støðan ógreið í løgtinginum
Góvu skeivar upplýsingar á Løgtingi
Fiskimanna­felagið ósamt við Løgmann
Viðmerking til Herman Oskarsson
Meldað fyri at hava fjalt veiðu fyri 18 miljónir - hevur bíðað eftir rættarviðgerð í fimm ár
Metis - Sending um fiski­vinnu­nýskipan
Løgtingsfor­maðu­rin kann útseta atkvøðugreiðsluna
Høgni og Aksel villeiddu enn einaferð í Løgtinginum
Stríð um fiskiloyvi kann kosta Fiski­mála­ráð­num 30 milliónir
Seinasti gamli bygdahandilin í Vestmanna, fer í søguna
Hugnaløtan 4 - Gestur: Jákup Sverri Kass
FF Skagen ein fyritøka við nógvum eigarum
Magni Laksáfoss hevur cleara við Kristin Michelsen
Sjey persónar tiknir í størsta hassjmáli­num nakrantíð í Grønlandi
Samgongan missir meirilutan
Fýra ára fongsul fyri ecstasy-smugling við Norrønu
Lógin um veiðugjald 70 milliónir skeiv
Ætlaði at hjálpa - varð ístaðin stungin
Brúgvin 73 - 11. des. 2017
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi