Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Bara kapping kann tryggja grøna orku

Innanlands, Lesarabrøv | 01/12-2017 16:42

Í grein í miðlunum eftirlýsir Hákun Djurhuus, stjóri í SEV, ítøkilig boð frá Magn upp á, hvussu elmarknaðurin kann liberaliserast.

Vit eru fleiri ferðir fyrr komin við boðum upp á júst tað sama, men gera tað fegin enn einaferð.

Týdningarmesta stigið er tað politiska stigið, at avgerð verður tikin um at lata elmarknaðin upp. Tað merkir, at SEV skal loyva øðrum at framleiða streym inn á netið hjá SEV. Nýggir framleiðarar skulu sjálvsagt rinda eitt netgjald fyri hetta.

Men tað gevur lítla meining, at nýggir aktørar bara sleppa at framleiða streym og selja hann til SEV, sum síðani selur hann víðari við vinningi. Tað ger ikki streymin bíligari hjá endabrúkarunum, og ein slík skipan er eisini ein forðing fyri, at nýggir framleiðarar kunnu selja heildarloysnir, eitt nú grønar upphitingarloysnir, til hóskandi prísir.

Tí er tað ein avgerandi partur av einari liberalisering av elnetinum, at nýggir framleiðarar sleppa at selja streymin beinleiðis til brúkaran.

Í síni grein vísir Hákun Djurhuus á, at Magn og onnur hava høvi at bjóða, tá SEV bjóðar vindorkuframleiðslu út. Ja, gaman í, men við verandi skipan snúgva útboðini seg útilokandi um framleiðslu av el til bara ein keypara, nevniliga SEV, sum síðani selur streymin víðari til síni viðskiftafólk við vinningi.

Á Magn hava vit alla tíðin hildið, at SEV skal eiga og reka netið, eisini eftir eina liberalisering. Tí SEV hevur veitingarskylduna og skal framhaldandi hava hana, og tí at SEV hevur tøkniligu ekspertisuna og styrkina at halda og útbyggja netið og tryggja, at elskipanin altíð er í javnvág – tað er, at streymgóðskan er í lagi við tað, at veitingin er støðug og uttan stór sveiggj í máttinum.

Men netið má loysast frá øllum øðrum virksemi hjá SEV og leggjast í eina sjálvstøðuga eind, eitt netfelag. Hetta fyri at tryggja, at framleiðslan hjá SEV ikki fær kappingarfyrimunir fram um nýggjar framleiðarar.

SEV hevur longu tríbýtt elskipanina í framleiðslu, net og brúkarar og hevur gjørt sonevndar grid code, íbindingartreytir, fyri framleiðslueindir størri enn 11 kW, fyri framleiðslueindir minni enn 11 kW, og fyri brúkararnar.

Hesar íbindingartreytirnar eru gjørdar fyri tryggja javnvágina í elskipanini, og merkja, at tað longu nú er møguligt hjá nýggjum framleiðarum at brúka netið hjá SEV, uttan at tað gongur út yvir góðskuna á elveitingini.

Tað eru ikki rakettvísundi at lata elnetið upp fyri kapping. Tað er bara at taka avgerðina og gera tað.

Tá verða fleiri herðar at lyfta stóru uppgávuna at flyta okkum frá svartari til grøna orku innan tíðarkarmin, sum samgongan hevur sett sær.

Fyri brúkaran merkir liberaliseringin bíligari streym og gjøgnumskygdar prísir, har tað ber til at samanbera prísirnar hjá teimum ymisku framleiðarunum.

Alt samfelagið fær gagn av bíligari streymi, og ein liberalisering fer harumframt at elva til størri nýskapan, uppaftur størri framleiðslu úr varandi orkukeldum, størri virksemi og virðisskapan í elveitingarvinnuni og øktan tørv á vælútbúnari arbeiðsmegi.

Finn Jakobsen

tekniskur stjóri, Magn


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Tíðindaskriv
Mest lisið í farnu viku
Lands­stýris­maðu­rin segði ósætt á tíðindafundinum
Hans Joensen: Eg eri ein skuffaður maður
Seldu kvotu og fingu hana aftur
Eru Menningar­kvotur­nar politiskt útlutaðar?
SU generatiónin í Løgtingi­num skilir ikki, at feløgini hava verið í kreppu
Hoyr samrøðuna við skiparan á Klakki: "Vit kunnu fiska óavmarkað í Grønlandi"
Fiski­kongar i Norð­urhøvum
Møtti ISIS manni í Týsklandi
Nú eru løgreglu­fólk við hundum á hvørjum týskum sjúkra­húsi
Umboðini hjá Sambands­flokki­num ynsktu ikki menningar­kvotur
Tað er ikki Tórbjørn Jacobsen, sum er boðin umborð, tað er borgar­stjó­rin í Runavíkar kommunu
Flótidokkin í Hirtshals er koppa
Brátíðindi: Politiið í Føroyum hevur tikið málið upp aftur, viðvíkj­andi illgrunasomum deyða
Uppsjóvar­kvotur­nar eru nógv størri enn ICES tilmælir
Tjóðveldiskabalin
Metis - Øll sendingin - 14. august 2018
Nýggjur háskúli á Sandi
Hoyr stjóran á Vestmanna Fiskavirki, hvussu menningarkvotan skal brúkast
Norðoya Fólkafloks­felag : Landið bløðir og kemur at bløða um vend ikki kemur í nú
Eg haldi veruliga ikki, at Høgni hevur blandað seg uppí viðgerð­ina av menningarkvotum, nú skotrøðir­nar duna.
Tvístøða kjaksending (35) - Øll sendingin
Í India eru 2 gentur hópneyðtik­nar og síðan brendar livandi
Hilbert Elisson: Fiskivinna og kvotur
"Líggjas" skal klippast
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi